Қазақстан Республикасы сот органдарының бірыңғай автоматтандырылған ақпараттық талдау жүйесі

133. Түскен істерді, талап арыздарды, ерекше талап  қою ісін жүргізу және ерекше  іс жүргізу арыздарын, қылмыстық  және азаматтық істерді автоматты  түрде бөлгеннен кейін алқаның  маман-хатшысы оларды тиісті есептік  нысандарға тіркейді (1-Регламенттің 2.2.1-тармағы).

Қарсы талап арыздар, жаңадан ашылған мән-жайлар бойынша істі қарау туралы арыздар, және т.б. бұрын істі қараған судьяға берілуге жатады.

Түскен талап арыздар, ерекше талап қою ісін жүргізу және ерекше іс жүргізу арыздары сот төрағасының немесе алқа төрағасының бұрыштамасына сәйкес есепке алу карточкасына (немесе журналға) қолын қойдырып судьяға береді.

Бағдарламалық қамтамасыз ету жүйесі болған жағдайда істерді, арыздар мен шағымдарды, наразылықтарды бөлу автоматты түрде жүзеге асырылады (1-Регламенттің 2.2.4-тармағы).

134. Үкімнің күші  жойылғаннан кейін апелляциялық  тәртіппен жаңа сот қарауына  қайтарылған қылмыстық істерді  бақылау және құжат айналымы  бөлмінің мамандары жаңадан түскен  істер ретінде карточкаларға  тіркейді және оларға жаңа  реттік сан береді.

135. Белгіленген  индекстеуге сәйкес тіркеу мынадай  тәртіппен жүзеге асырылады:

1) кассациялық тәртіппен  сот қарайтын қылмыстық істер  №1к журналдың (нысанның) есепке  алу карточкаларында тіркеледі (3-Регламенттің 2.2.4-тармағы);

2) бірінші сатыдағы  сот қарайтын азаматтық істер  №2 журналдың (нысанның) есепке алу  карточкаларында тіркеледі (1-Регламенттің  
2.2.1-тармағы);

3) апелляциялық  тәртіппен сот қарайтын азаматтық  істер №2а журналдың (нысанның) есепке  алу карточкаларында тіркеледі (2-Регламенттің 2.2.1-тармағы);

4) кассациялық тәртіппен  сот қарайтын азаматтық істер  №2к журналдың (нысанның) есепке  алу карточкаларында тіркеледі (3-Регламенттің 2.2.1-тармағы);

5) заңды күшіне  енбеген сот актілерін қайта  қарау тәртібімен қарау үшін  түскен әкімшілік құқық бұзушылықтар  туралы істер №3а журналдың (нысанның) есепке алу карточкаларында тіркеледі (2-Регламенттің  
2.2.1-тармағы);

136. Істердің нөмірлері  мынадай қағидалар сақтала отырып  беріледі:

1) бірінші саты  бойынша қаралатын қылмыстық  немесе азаматтық істердің нөмірлері  тиісті істің индексінен, осы  істің ақпараттық есептік құжат  бойынша реттік нөмірінен және  істің түскен жылынан тұрады (мысалы: 1-7/2005 ж., 2-9/2005 ж. және т.с.с.);

2) қайта қарау  үшін кассациялық сот сатысына  түскен қылмыстық немесе азаматтық  істің нөмірі «к» әрпі жалғастырылған  тиісті істің индексінен, істің  ақпараттық есептік құжат бойынша  реттік нөмірінен және істің  түскен жылынан тұрады (мысалы: 1к-7/2005, 2к-9/2005, 3к-9/2005.

137. Күнтізбелік  жыл өткеннен кейін жаңа жылдың  басында қаралмаған істер жаңа  жылдың ақпараттқ есептік құжаттарында  және есепке алу карточкаларында  қайта тіркеледі, осы орайда әрбір  өтпелі істе екі нөмір - өткен  жылдың және туған жылдың реттік  тіркеу нөмірлері көрсетіледі, мысалы:

ІС №1-99/2005 ж..

     № -1/2006 ж.

Осыған байланысты, өтпелі істер болған жағдайда, жаңа жылда түскен істердің нөмірлері алдыңғы жылдың істерін қайта тіркеуден кейін қалған кезекті нөмірден басталады.

Осы орайда өткен жылғы істің есепке алу карточкасында «Ескерту» бөлімінде істің қалдық болып жаңа жылға көшкені туралы белгі түсіріледі және істің жаңа жылда берілген нөмірі көрсетіледі. Істің жаңа жылдағы есепке алу карточкасында тиісті бөлімде істің өткен жылғы нөмірі көрсетіледі (1-Регламенттің 2.2.1-тармағы).

Өткен жылдың қағаз картотекасына алынған ақпараттық есептік құжаттардың орнын алмастырушы карточкалар салынады, оларда өткен жылдың нөмірі бойынша реттік нөмір белгіленеді және жаңа реттік нөмірі көрсетіліп, есептік құжаттың жаңа жылдың картотекасына көшіліргені туралы жазб жасалады.

138. Ақпараттық есептік  құжаттар соңғы нөмірлері картотеканың (жәшіктің) алдыңғы жағына орналасатындай  етіліп нөмірлердің өсу тәртібімен  сақталады. Есепке алу карточкаларының  электрондық тізілімдері осындай  тәртіппен қойылады, яғни тіркеу  нөмірлерінің кему тәртібімен  сұрыпталады.

139. Апелляциялық  саты қарайтын қылмыстық және  азаматтық істердің мұқабасы  ауыстырылмайды. Алайда, бірінші сатыдағы  соттардан құрамында 180 парақтан  астам істер келіп түскенде, бөлім  маманы бұл түскен соттың атауын  мұқабада көрсете отырып, жаңа  том ашады.

140. Сот отырысында  қарауға алқа тағайындаған істерді  есепке алу үшін маман-алқа  хатшысы әр санаттағы істерді  қалыптастыратын                          (1-Регламент 2.2.5-т.) «Тыңдалатын істердің  тізімі» тізімдемесін пайдаланады.

141. Хат-хабарлар  құжат айналымы және бақылау  бөлімінде тіркелгеннен кейін  және тиісті «Кіріс хат-хабарлар»  есепке алу карточкасымен берілгеннен  кейін «Сот ісін жүргізу» бөлімінде  тіркеу өндірісінің келесі есепке  алу карточкаларының  бірі құралады (1-Регламент  2.2.2-т ).

Қылмыстық істер жөніндегі апелляциялық сот алқасында:

1) бірінші саты  бойынша қарауға түскен қылмыстық  істерді тіркеу карточкасы;

2) апелляциялық  тәртіппен қарауға түскен қылмыстық  істерді тіркеу карточкасы;

3) адамға арналған  карточка (іс бойынша адам саны  бойынша);

4) заттай айғақтарды  есепке алу, сақтау және жоюды  тіркеу карточкасы;

үкімдерді орындаумен байланысты және ҚІЖК 11-бабындағы тәртіппен түскен  мәселелер бойынша материалдарды тіркеуге арналған карточка.

Ескертпе: Қажеттігіне қарай, алқада қосымша журналдар жүргізілуі мүмкін, мысалы, қосымша тергеуге жіберілген істерді есепке алуға, сотталғандарды іздеуге арналған және т.б.

Азаматтық және әкімшілік істер жөніндегі апелляциялық сот алқасында:

1) бірінші саты  бойынша қарауға түскен азаматтық  істерді, талап және  басқа да  арыздарды тіркеу карточкасы;

2) апелляциялық  тәртіппен қарауға түскен істерді  тіркеу карточкасы;

3) азаматтық істерге  қатысты заттай айғақтарды есепке  алу, сақтау және жоюды тіркеу  карточкасы;

4)  заңды күшіне  енбеген сот қаулысын қайта  қарауға қатысты түскен әкімшілік  құқық бұзушылық туралы  істі  тіркеу карточкасы;

5) әкімшілік құқық  бұзушылық туралы іс бойынша  әкімшілік жауаптылыққа тартылған  тұлғаны тіркеу карточкасы.

Кассациялық сот алқасында:

1) түскен кассациялық  шағым/наразылықты тіркеу карточкасы;

2) шағым/наразылық  түскен адымды тіркеу карточкасы;

3) түскен істі  тіркеу карточкасы.

142. Талап арыздардың  және шешімдерді, қаулыларды қайта  қарау 

туралы арыздардың, жеке және басқа да шағымдар мен олардың қосымшаларының, оларды қайтарып алу мен қарсылықтардың конверттері барлық жағдайда сақталады.

143. Апелляциялық  сот алқасының істі өндірісіне  қабылдап алу туралы ұйғарымды  судья шығарғаннан кейін келесі  күннен кешіктірмей бақылау және  құжат айналымы бөлімінің маманы  істерді хронологиялық тәртіппен  қалыптастырады:

азаматтық істер бойынша - бірінші кезекте бірінші сатыдағы соттың ілеспе хаты, істерді автоматты түрде бөлу туралы есеп, судьяның істі өндіріске қабылдап алу  туралы ұйғарымы, содан кейін іс бойынша тараптарды шақыру және қажетті құжаттарды сұратып алу туралы хаттардың көшірмелері, шақыру қағазының тапсырылғаны туралы қолхаттың көшірмелері және басқа да іс жүргізу құжаттары, сондай-ақ тараптар тапсырған қосымша материалдар іске қабылдану реті бойынша тігіледі;

қылмыстық істер бойынша – бірінші кезекте бірінші сатыдағы соттың ілеспе хаты, істерді автоматты түрде бөлу туралы есеп, одан кейін іс бойынша тараптарды шақыру туралы хаттардың көшірмелері, сотталушыларды жеткізу туралы талаптың, шақыру қағазының тапсырылғаны туралы қолхаттың көшірмелері), содан кейін сот талқылауы кезінде қабылданған құжаттар: куәлердің жазбалары, сот отырысының хаттамасы, үкім (қаулы) және оның куәландырылған көшірмесі, сондай-ақ басқа да іс жүргізу құжаттары  қабылдану реті бойынша тігіледі.

144. Тиісті шағымды  қарауға арналған іс тағайындалғанда  есепке алу карточкасында тыңдау  өтетін күн, тыңдауға қатысатын  адамдар көрсетіледі, ал сот істерін  тіркеу журналына тиісті белгі  салынады (1-Регламент 2.2.5 т.).

145. Сот өндірісіне  қабылданған барлық істер судьялардың  металл шкафтарында (сейфтерінде) сақталады.

 

18. Апелляциялық  сот алқасына қылмыстық және  азаматтық істер бойынша түсетін  істер мен материалдар

 

146. Апелляциялық  шағым, прокурордың наразылығы бойынша  алқаларға түскен істерді тиісті  мамандар бақылау және құжат  айналымы бөлімінде тіркелгеннен  кейін журнал немесе карточкаларға  қол қойып  қабылдап алады.

147. Бақылау және  құжат айналымы бөлімінің мамандары  істер мен материалдарды қабылдаған  кезде томдардың санын, олардың  қосымшаларын (мысалы: іспен бірге  жіберілген айғақ заттарды), әр  томның және қосымшаларының жай-күйін  тексереді.

148. Содан кейін  бақылау және құжат айналымы  бөлімінің мамандары апелляциялық  тәртіппен түскен қылмыстық және  азаматтық істерді № 1а және 2а  нысанды журналдардағы «Сот ісін  жүргізу» қосымша бетіне тіркейді (2 Регламент 2.2.1т.). Апелляциялық өндіріс пен бірінші инстанциядағы өндірістің бағдарламалық құжаттамалық іс-әрекеттесуінің әдістемесін, яғни 1 сатыдағы өндірісті алу.

Іс тіркеу нөмірі алқаның индексі, реттік саны және қабылданған жылынан құралады, мысалы: 2а-3-06, 3а-3-06.

Қылмыстық іс тіркелгеннен кейін алқа хатшысы жеке тұлғаны тіркеу нысанында сотталған, ақталған немесе оған қатысты іс қысқартылған адамға қатысты барлық мәліметтерді тізеді (2 Регламент 2.2.2 т.). Содан кейін іс бойынша түскен айғақ заттарды тіркейді (2 Регламент 2.2.3 т.).

Сонан соң алқа хатшысы шағымдалған құжатқа қатысты мәліметтерді енгізеді (2 Регламент  2.2.4 т.).

149. Үкімді орындауға  байланысты мәселелер бойынша  шығарылған сот қаулысына шағым  және наразылық келтіруге қатысты  материалдар да  (мерзімінен бұрын  шартты босату, ҚІЖК-нің 109, 110-баптарының  тәртібімен бас бостандығынан  айыру орнына қайтару және  т.б.) № 1а журналына тіркеледі (2 Регламент 2.2.1т.). Мұндайда есепке алу карточкасында  қылмыстық істің орнына түскен  материалдар көрсетіледі.

150. Тіркелген істер  мен материалдар  автоматты түрде  бөлінгеннен кейін (2 Регламент 2.2.5 т.) оларды судьялар арасында бөлу  үшін  автоматтандырылған бөлістің  бұрыштамасымен ( 2 Регламент 2.2.5 т.) оны  растау немесе қайта бөлу үшін  алқа төрағаларына ұсынылады.

151. Алқа хатшылары  бөлінген істерді алғаннан кейін  есепке алу карточкаларының тиісті  бағандары мен бөлімдерін толтырып, төрағаның бұрыштамасына сәйкес, танысу және алқа отырысында  баяндау үшін судьяларға береді.

Тыңдауды қайта тағайындау немесе кейінге қалдыру туралы мәліметтер есепке алу карточкасында белгіленеді (2 Регламент 2.2.5 т.).

152. Қылмыстық және  азаматтық істер сотта қаралып, қаулы шығарылғаннан кейін алқаның  мамандары төмендегі әрекеттерді  жүзеге асырады:

1) БААТЖ жүйесінің  электрондық қолбелгісімен апелляциялық  қаулыны шығарады, қаулыны тігеді, оны судьяның қолымен және  елтаңбалы мөрмен куәландырады;

2) есепке алу  карточкаларына істі қараудың  нәтижесі мен күнін енгізеді;

3) істегі құжаттардың  тізіміне тиісті толықтырулар  енгізіп, қолын қояды;

4)  алқаның апелляциялық  қаулыларын іс материалдарына  тігіп, істерді ілеспе хатпен  бірге, қаулылардың нұсқауы бойынша, қабылдаушы адамның  қолын журналға  қойдырып алып, бақылау және құжат  айналымы бөлімі арқылы жібереді;

Түскен  істің парақ саны 180-нен асса, алқа маманы жаңа том ашады, оның мұқабасында істің, осы іс түскен соттың атауын көрсетеді, тізімдеме жасайды да іс материалдарын хронологиялық тәртіппен қосады;

5) қаулы жасалғанннан  кейін 3 тәулік ішінде оның көшірмесін  прокуратураға, қылмыстық-атқару мекемесінің  әкімшілігі арқылы сотталушыға, азаматтық істер бойынша тараптарға  жібереді;

6) сот отырысының  барысында аудио және (немесе) бейнежазу  жүргізеді, оны іспен бірге сақталатын  сот отырысының хаттамасына қосады.

153. Қылмыстық іс  бойынша апелляциялық қаулы он  күннен, ал азаматтық іс бойынша  бес күннен кешіктірілмей дайындалады.

154. ҚІЖК-нің 423-1-бабының 2-бөлігіне сәйкес, іс қосымша  тергеуге жіберілгенде, апелляциялық  алқаның қаулысы іспен бірге  тиісті прокурорға жіберіледі. Мұндай  жағдайда апелляциялық қаулының  көшірмесі бірінші сатыдағы сотқа  жіберіледі.

155. Соттың тиісті  нарядтарында апелляциялық қаулылардың, жеке қаулылардың көшірмелері, іске  қатысты хат-хабарлармен және  түсу ретіне қарай тігілген  құжаттармен бірге, сақталады, олар  өндіріс жылы аяқталған соң  қабылдап-өткізу тізімдемесі бойынша  соттың мұрағатына өткізіледі.

 

19. Қаралып  біткен қылмыстық және азаматтық  істерді ресімдеу

 

156. Істі бақылау  және құжат айналымы бөліміне  тапсыру, ресімдеу және қалыптастыру, іске тіркелген құжаттарды тігу  жұмыстарын сот отырысының хатшысы  жүзеге асырады.