Қазақстан Республикасы сот органдарының бірыңғай автоматтандырылған ақпараттық талдау жүйесі

Акт үш дана болып жасалады: бір данасы нарядқа тігіледі, екіншісі құжаттармен бірге тіркеуге беріледі, ал үшіншісі жіберушіге жөнелтіледі. Барлық түскен хат-хабарлар тіркеу үшін  бөлімнің маманына беріледі.

18. Конверттер мен  пакеттерде құрамында сот қызметіне  күмән тудыратын заттар (сусымалы  заттар, белгісіз заттар, ілеспе  құжаттың мазмұнына сәйкес келмейтін  заттар және тағы сол сияқты) болса, бөлім маманы бұл туралы  жедел түрде сот басшылығына  хабарлайды және конвертті немесе  пакетті сақтау және бөтен  адамдардың оларды ұстауына шектеу  қою жөнінде шаралар қабылдайды.

19. Сот қызметкерінің  атына «жеке» деген белгімен  түскен хат-хабарлар ашылмай беріледі, ал кейбір жеке жағдайларда  адресаттың рұқсатымен уәкілетті  тұлға ашуы мүмкін. Егер адресат  ашқан «жеке» белгісі бар конвертте  қызметтік сипаттағы құжат немесе  шағым болса, онда олар тіркеу  үшін дереу бақылау және құжат  айналымы бөліміне берілуге тиіс.

20. Егер жіберушінің  мекен-жайын, құжаттың жіберілген  және түскен уақытын конверт  арқылы ғана анықтауға болатын  болса, сондай-ақ жеке құжаттар  келіп түскен жағдайларда конверттер  сақталады. Талап арыздардың, шағымдардың  және сот актілерін қайта қарау  туралы наразылықтардың, жеке және  басқа шағымдардың конверттері  барлық жағдайларда да сақталады.

21. Бөлім маманы  қылмыстық істерді қабылдау кезінде  іс бойынша ілеспе хатқа сәйкес: істердің барлық томдарының, айыпкердің  жеке басын куәландыратын құжаттардың, заттай дәлелдемелердің бар-жоғын, олардың орауларының бүтіндігін, нақты істің санын  ілеспе хатпен  сәйкестігін тексереді. Сотқа келіп  түскен істердің томдары, мен  өзге де құжаттар, қылмыстық іс  бойынша заттай дәлелдемелер  саны бойынша сәйкес келмеген  немесе жетіспеген, сондай-ақ олардың  орауларының бүтіндігі бұзылған  жағдайда, бақылау және құжат  айналымы бөлімі қылмыстық, азаматтық,  әкімшілік істерді қабылдаудан  бас тартады.

22. Бөлім қызметкері  оның мазмұнын, күрделілігін, қойылған  сұрақтардың жаңа болуын зерделеу, сондай-ақ оны санаты бойынша  іріктеу жолымен кіріс хат-хабарларды  кезең-кезеңмен  сұрыптайды:     

1) апелляциялық  және кассациялық тәртіпте берілетін  азаматтық, қылмыстық және әкімшілік  істер бойынша шағымдар мен  арыздар, шағымдар мен істер бойынша  жеделхаттар мен хабарламалар, сұраулар  және т.б.;

2) судьялардың іс-әрекеттері  жөніндегі арыздар мен шағымдар;

3) сот істері;

4) сот  актілерін  қарау  туралы арыздар;

5) қызметтік хат-хабарлар.

23. Қызметтік хат-хабарларға  келесі хат-хабарлар жатады:

1) Қазақстан Республикасы  Президентінің Әкімшілігімен, Қазақстан  Республикасының Үкіметімен, Қазақстан  Республикасының Парламентімен, Жоғарғы  Сотпен (сонымен қатар электрондық  түрде жіберілген), Бас Прокуратурамен, Конституциялық Кеңеспен, орталық  атқарушы органдармен соттардың  қызметі және өзге де мәселелер  бойынша хат алысу;

2) Қазақстан Республикасы  Жоғарғы Сотының жанындағы Соттардың  қызметін қамтамасыз ету департаментінен (Қазақстан Республикасы Жоғарғы  Сотының аппаратынан) келіп түскен  олардың   қызметі мәселелері  жөніндегі хат-хабарлар;

3) нормативтік  сипаттағы  құжаттар;

4) судьялардың іс-әрекеттеріне  шағымдар мен арыздардан және  тәртіптік-біліктілік алқаның қызметіне  байланысты тәртіптік істерден  басқа құжаттар;

5) іс жүргізу  шағымдарынан басқа, Тәуелсіз Мемлекеттер  Достастығы елдерінен және алыс  шет елдерден түскен хат-хабарлар;

6) облыстық, аудандық  және оларға теңестірілген соттардан  келіп түскен хат-хабарлар.

24. Бұдан басқа  түскен хат-хабарларды бақылау  және құжат айналымы бөлімінің  қызметкерлері тіркелетін (солардың  ішінде-шұғыл құжаттар) және тіркелмейтін  құжаттар ретінде қосымша сұрыптайды.

25. Соттың алған  уақыты көрсетіліп, істерге тіркеп  қою үшін хатшыларға берілетін,  тіркелуге жатпайтындар:

1) адресаттың болмауынан сотқа қайтарылған, сот шақыру қағаздары;

2) сотқа шақыру  қағазын алғаны туралы қолхаттар;

3) үкімдердің, қаулылардың  және басқа да сот актілерінің  көшірмелерінің тапсырылғаны туралы  қолхаттар;

4) өтінішхаттар  мен наразылықтарды, қарсылықтар  мен оларға пікірлерді және  оларға ұсыныстарды факс және  электрондық почта бойынша қабылдауға, сондай-ақ оларды кейіннен тіркеуге  жол берілмейді.

5) кепілдік хаттар.

Бақылау және құжат айналымы бөлімінің қызметкерлері тіркелмейтін хат-хабарларды тиістілігі бойынша тікелей жібереді. 

26. Жеке және заңды  тұлғалардың электрондық почтамен  жіберілген хаттары мен шағымдары  тіркелуге жатады.

Жедел хат-хабарлар тіркелгеннен кейін түскен уақытына қарамастан сот төрағасының, бөлімнің тиісті бастығының немесе істі қарап жатқан судьяның қарауына  оны тіркегеннен кейін  дереу беріледі.

27. Жедел хат-хабарларға  апелляциялық шағымға немесе  наразылыққа білдірілген қарсылықтары  мен пікірлері бар жеделхаттар  мен арыздар (өтінімдер), істі қараудың  кейінге қалдырылғаны туралы  хабарлама, апелляциялық шағымдар  және алқаның отырысы күні  апелляциялық шағымдарға түскен  толықтырулар, сондай-ақ мәтінінде  қандай да бір кезек күттірмес  жедел тапсырманы нақтылы мерзімге  уақытында орындау туралы талаптар  көрсетілген қызметтік хат-хабарлар  жатады.

Бақылау және құжат айналымы бөлімінің қызметкерлері тіркеу кезінде шұғыл құжаттар санатына жатқызылған құжаттарға «Жедел» деген белгі қояды. Белгі арнайы мөртаңбамен қойылады, сондай-ақ есепке алу карточкасында да «жедел» бақылау нысаны көрсетіледі (4-Регламенттің 2.2.4-тармағы).

Алқаларда іс қағаздарын жүргізуге жауапты Бақылау және құжат айналымы бөлімінің қызметкерлері шұғыл құжаттарды кезексіз тіркеуден өткізуге және бұрыштамаға сәйкес әрі қарай алқа төрағасына немесе тікелей тиісті орындаушыға беруді қамтамасыз етуге міндетті.

Бөлімнің тиісті қызметкерлерінің арасында шұғыл құжаттарды беру міндетті түрде есепке алу карточкаларына берілген күні мен уақытын көрсетіп қол қою арқылы жүзеге асырылады.

28. Егер құжат  жедел түрде орындауды қажет  етпесе сот төрағасы немесе  алқа төрағалары хат-хабарлардан  «жедел» белгісін орындалуы аяқталғанға  дейін алып тастауға құқылы.

Көрсетілген белгіні алу жауапты адамның құжаттың бірінші бетіне күнін, уақытын көрсетіп қолын қойған бұрыштамасымен жүзеге асырылады.

29. Сотқа түскен  барлық нормативтік құқықтық  актілер: заңдардың, Президент Жарлықтарының, Қазақстан Республикасының Президентінде  өткен кеңестердің хаттамаларынан  үзінділерінің,  Қазақстан Республикасы  Үкіметі актілерінің, Қазақстан  Республикасының Конституциялық  Кеңесі қаулыларының, қаулылардың, өкімдердің және өзге де ведомстволық нормативтік құқықтық актілердің түпнұсқалары, сондай-ақ журналдар, кітаптар және басқа да заң басылымдары, соның ішінде Тәуелсіз Мемлекеттер Достастығынан түскендері басқа хат-хабарлардан бөлек тіркелуге жатады.

Бақылау және құжат айналымы бөлімі оларды төрағаның бұрыштамасына сәйкес әрі қарай тиістілігі бойынша жібереді. Төрағаның бұрыштамасы болмаған жағдайда көрсетілген хат-хабар соттың кодификациялық жұмысына жауапты маманға жіберіледі.

30. Хат-хабар есепке  алу карточкасында тіркелгеннен  кейін және автоматты түрде  кіріс нөмірі берілген соң  оның құжатқа бірінші бетінің  төменгі оң жағына түскен күні, жүйе бойынша берілген кіріс  нөмірі, негізгі құжаттың және  оның қосымшаларының парақтарының  саны көрсетіліп, тіркеу мөртаңбасы  қойылады.

Шетел тілдерінде жазылған хат-хабарларды тіркеу кезінде кіріс мөртаңбасы түпнұсқаға және аударылған мәтінге басылады.

Кіріс мөртаңбасы сонымен бірге сотқа түскен азаматтық, қылмыстық істердің және әкімшілік құқық бұзушылық туралы істердің мұқабасына, сондай-ақ осы Нұсқаулықтың тиісті бөлімдерінде көрсетілген тәртіпте және жағдайларда кассациялық шағымдар мен прокурордың наразылықтарына басылады.

Кіріс мөртаңбада соттың толық атауы, хат-хабардың түскен мерзімі көрсетілетін жолдар, құжаттың кіріс нөмірін жазатын жол, негізгі құжаттың беттерінің саны мен қосымшаларын көрсететін жолдар болуы тиіс.

31. Түскен хат-хабарлардың  көлемі үлкен болған жағдайда  хат-хабарлар кеңседе олардың  түріне қарай сұрыпталуы және  кейіннен олар бекітілген істер  номенклатурасына сәйкес әр түрлі  индекспен бірнеше журналға тіркелуі  мүмкін.

Мысалы, қылмыстық істерді, азаматтық істерді, әкімшілік құқық бұзушылық туралы істерді тіркеу үшін кассациялық шағымдар мен наразылықтарды, судьялардың іс-әрекеттеріне шағымдарды және т.б. тіркеу үшін бөлек журналдарды пайдалануға болады.

Хат-хабарларды әр түрлі журналдарда тіркеу үшін журналдардың индекстері және реттік нөмірлерді автоматты түрде беру үшін тиісті есептегіштер құрылады (4 Регламенттің 2.2.1-тармағы).

32. Кіріс хат-хабарларды  тіркеу үшін бақылау және құжат  айналымы бөлімінің қызметкері  жаңа есепке алу карточкасын  жасайды (4 Регламенттің 2.2.1-тармағы), оған  түскен құжатқа сәйкес жіберуші  берген деректемелер толтырылады. Шығыс нөмірі, жіберілген күні, құжатқа  кімнің қол қойғаны, хат-хабардың  түрі, жеткізу нысаны, құжат сотта  кімге жіберілген, негізгі құжаттың  қысқаша мәтіні, жіберуші ұйымның  атауы, жіберушінің мекен-жайы, данасының  саны, негізгі құжат парақтарының  саны, қосымшалар беттерінің саны, қосымшалардың атаулары, хат-хабар  тілі, содан кейін жаңа тіркеу  деректемелері толтырылады (журналдың  индексі, журнал бойынша реттік  кіріс нөмірі, түскен күні).

Бақылау және құжат айналымы бөлімінің қызметкері хат-хабардың түріне қарай хат-хабар  берілетін сот құрылымын анықтайды.

Хат-хабарларды «Сот құрылымы» дерекқорында (СҚ) тіркеу кезінде журналдың индексін таңдауды оңайлату үшін кіріс хат-хабарлар журналдары мен сот бөлімшелері индекстерінің арасындағы сәйкестік анықталады.

Кіріс реттік нөмір есепке алу карточкасы сақталғанда автоматты түрде жасалады (4-Регламенттің 2.2.1-тармағы). Көрсетілген журналдың реттік нөмірінің есептегіші кіріс құжатының есепке алу карточкасы сақталғаннан кейін бір бірлікке көбейеді.

33. Жаңа жылдың 1 қаңтарынан бастап кез келген  хат-хабарларды тіркеу барысында (кіріс, шығыс және т.б.) есепке  алу карточкаларының нөмірлері  әр тіркеу журналы үшін бірінші  нөмірден басталады.

34. Тіркеліп болған  соң құжаттар сот төрағасының  қарауына беріледі. Алқаның атына  келіп түскен барлық хат-хабар  тіркелгеннен кейін  сот бөлімі  оны СО БААТЖ бағдарламасы  бойынша тиісті алқалардың төрағаларының  қарауына тікелей беруі мүмкін.

35. Төраға қарап  болған хат-хабарлар бақылау және  құжат айналымы бөліміне қайтарылады, бұл жерде оның қызметкері  есепке алу карточкасына төрағаның, тиісті алқа төрағасының, кеңсе басшысының бір немесе бірнеше бұрыштамасын тіркейді, орындаушыға СО БААТЖ бағдарламасы арқылы жіберілетін тағайындалған орындаушылардың тегі мен аты-жөнін, бұрыштама қойылған күнді, бұрыштаманы орындау бақыланатын күнді көрсетеді

36. Егер төрағаның  құжатты бақылауға алу туралы  визасы болса, бөлімнің маманы  кіріс құжаттың есеп карточкасына  бақылау нысаны туралы, бақылауға  алынған күн мен құжаттың қай  күнге дейін орындалатыны туралы  белгі қояды (4-Регламенттің 2.2.4-тармағы).

37. «Жеке және  заңды тұлғалардың өтініштерін  қарау тәртібі туралы» Қазақстан  Республикасының Заңына сәйкес  иесі бүркемеленген өтініштер  бірінші тіркеуден ғана өтеді  және қаралуға жатпайды. Мұндай  өтініштер танысу үшін сот  төрағасына берілуі мүмкін, танысып  болған соң сот төрағасы оны  бақылау және құжат айналымы  бөліміне қайтарады, мұнда олар  тиісті нарядта бір жыл бойы  сақталады да содан кейін жойылады.

Кіріс хат-хабар оның келіп түсуіне және тіркелуіне қарай бүкіл жұмыс күнінің ішінде мақсаты бойынша беріледі.

 

 

 

 

10. Қызметтік  хат-хабарлардың соттағы одан  әрі қозғалысы, орындалуы және  есепке алынуы

 

38. Кіріс хат-хабарлардың  белгіленген нысанда толтырылған  есепке алу карточкаларын бақылау  және құжат айналымы бөлімінің  қызметкері хат-хабарды келесі  жұмыс күнінен кешіктірмей төрағаның  бұрыштамасына немесе тапсырмасына  сәйкес СО БААТЖ бағдарламасы  бойынша тиісті орындаушыға береді. Шот-фактуралар, шарттар, іс жүргізу  құжаттары, жеке және заңды тұлғалардың  өтініштері мен түпнұсқаны куәландыруды  талап ететін, орындаушыға немесе  өндірісінде іс жатқан судьяға  қолын қойғызып берілетін басқа  да құжаттар қағаз нұсқасында  беріледі.

39. Егер бұрыштамада  немесе тапсырмада бірнеше орындаушы  көрсетілсе, онда бұрыштамада немесе  тапсырмада бірінші болып көрсетілген  орындаушыға немесе төраға тапсырған  ұсыныстарды жинақтауды жүзеге  асыратын орындаушыға беріледі.