Бюджетный кодекс на казахском

  52-бап. Аудан (облыстық маңызы бар қала) бюджетіне түсетін 
               түсімдер     

1. Мыналар: 
      1) облыстық мәслихат белгілеген кірістерді бөлу нормативтері бойынша жеке табыс салығы; 
      2) облыстық мәслихат белгілеген кірістерді бөлу нормативтері бойынша әлеуметтік салық; 
      3) жеке және заңды тұлғалар, дара кәсіпкерлер мүлкіне салық; 
      4) жер салығы; 
      5) бірыңғай жер салығы; 
      6) көлік құралдарына салық; 
      7) тіркелген салық; 
      8) мыналарға: 
      Қазақстан Республикасының аумағында өндірілген спирттің барлық түріне; 
      Қазақстан Республикасының аумағында өндірілген алкоголь өніміне; 
      Қазақстан Республикасының аумағында өндірілген құрамындағы этил спиртінің көлемі 0,5 проценттен аспайтын сыраға; 
      Қазақстан Республикасының аумағында өндірілген темекі бұйымдарына; 
      Қазақстан Республикасының аумағында жасалған жеңіл автомобильдерге (мүгедектер үшін арнайы арналған қолмен басқарылатын немесе қолмен басқаруға бейімделген автомобильдерден басқа); 
      бензинге (авиациялық бензинді қоспағанда) және дизель отынына акциздер; 
      9) жер учаскелерін пайдаланғаны үшін төлемақы; 
      10) дара кәсіпкерлерді мемлекеттік тіркегені үшін алым; 
      11) қызметтің жекелеген түрлерімен айналысу құқығы үшін лицензиялық алым; 
      12) заңды тұлғаларды мемлекеттік тіркеу және филиалдар мен өкілдіктерді есептік тіркегені, сондай-ақ оларды қайта тіркегені үшін алым; 
      13) аукциондардан алым; 
      14) көлік құралдарын мемлекеттік тіркегені, сондай-ақ оларды қайта тіркегені үшін алым; 
      15) жылжымайтын мүлікке құқықтарды және онымен жасалатын мәмілелерді мемлекеттік тіркегені үшін алым; 
      16) жылжымалы мүлік кепілін және кеменің немесе жасалып жатқан кеменің ипотекасын мемлекеттік тіркегені үшін алым; 
      17) аудандық маңызы бар жалпыға ортақ пайдаланылатын автомобиль жолдарының бөлінген белдеуінде және елді мекендерде сыртқы (көрнекі) жарнаманы орналастырғаны үшін төлемақы; 
      18) республикалық бюджет есебіне жазылатын консулдық алымнан және мемлекеттік баждардан басқа, мемлекеттік баж аудан (облыстық маңызы бар қала) бюджетіне түсетін салық түсімдері болып табылады. 
      2. Мыналар: 
      1) коммуналдық меншіктен түсетін кірістер: 
      аудан (облыстық маңызы бар қала) әкімдігінің шешімі бойынша құрылған коммуналдық мемлекеттік кәсіпорындардың таза кірісі бөлігінің түсімдері; 
      ауданның (облыстық маңызы бар қаланың) коммуналдық меншігіндегі акциялардың мемлекеттік пакеттеріне дивидендтер; 
      ауданның (облыстық маңызы бар қаланың) коммуналдық меншігіндегі заңды тұлғаларға қатысу үлестеріне кірістер; 
      ауданның (облыстық маңызы бар қаланың) коммуналдық меншігінің мүлкін жалға беруден түсетін кірістер; 
      ауданның (облыстық маңызы бар қаланың) бюджетінен берілген кредиттер бойынша сыйақылар; 
      ауданның (облыстық маңызы бар қаланың) коммуналдық меншігінен түсетін басқа да кірістер; 
      2) аудан (облыстық маңызы бар қала) бюджетінен қаржыландырылатын мемлекеттік мекемелердің тауарлар (жұмыстар, қызметтер көрсетуді) өткізуінен түсетін түсімдер; 
      3) аудан (облыстық маңызы бар қала) бюджетінен қаржыландырылатын мемлекеттік мекемелер ұйымдастыратын мемлекеттік сатып алуды өткізуден түсетін ақша түсімдері; 
      4) аудан (облыстық маңызы бар қала) бюджетінен қаржыландырылатын мемлекеттік мекемелер салатын айыппұлдар, өсімпұлдар, санкциялар, өндіріп алу; 
      5) аудан (облыстық маңызы бар қала) бюджетіне басқа да салықтық емес түсімдер аудан (облыстық маңызы бар қала) бюджетіне салықтық емес түсімдер болып табылады. 
      3. Мыналар: 
      1) аудан (облыстық маңызы бар қала) бюджетінен қаржыландырылатын мемлекеттік мекемелерге бекітіліп берілген мемлекеттік мүлікті сатудан түсетін ақша; 
      2) ауыл шаруашылығы мақсатындағы жер учаскелерін қоспағанда, жер учаскелерін сатудан түсетін түсімдер; 
      3) жер учаскелерін жалға беру құқығын сатқаны үшін төлемақы аудан (облыстық маңызы бар қала) бюджетіне негізгі капиталды сатудан түсетін түсімдер болып табылады. 
      4. Облыстық бюджеттен берілетін трансферттер аудан (облыстық маңызы бар қала) бюджетіне трансферттердің түсімдері болып табылады. 
      5. Аудан (облыстық маңызы бар қала) бюджетінен берілген кредиттерді өтеуден, ауданның (облыстық маңызы бар қаланың) коммуналдық меншігіндегі мемлекеттің қаржы активтерін, ауданның (облыстық маңызы бар қаланың) жергілікті атқарушы органының қарыздарын сатудан түсетін түсімдер ауданның (облыстық маңызы бар қаланың) бюджетіне есептеледі.

9-тарау.  БЮДЖЕТ ДЕҢГЕЙЛЕРІ АРАСЫНДА ШЫҒЫСТАРДЫ БӨЛУ    

  53-бап. Республикалық бюджеттің шығыстары     

1. Республикалық  бюджеттің шығыстары мынадай  бағыттар бойынша жүзеге асырылады: 
      1) жалпы сипаттағы мемлекеттік функциялар: 
      Қазақстан Республикасы Президентін және оның отбасын қамтамасыз ету, оларға қызмет көрсету және күзету; 
      Қазақстан Республикасы Парламентінің, Қазақстан Республикасы Үкіметінің және Қазақстан Республикасы Конституциялық Кеңесінің жұмыс істеуі; 
      сайлаулар мен референдумдар өткізу; 
      республикалық деңгейде мемлекеттік жоспарлау; 
      салық қызметі органдарының қызметі; 
      республикалық бюджеттің атқарылуын ұйымдастыру және жергілікті бюджеттердің кассалық қызмет көрсетуі, бюджеттік есепке алуды жүргізу және бюджеттердің атқарылуы бойынша есептілікті жасау; 
      республикалық меншікті басқару; 
      сырттай байқау рәсімін, оңалту рәсімін, конкурстық іс жүргізуді және конкурстық іс қозғамастан борышкерді тарату рәсімін өткізуді ұйымдастыру; 
      мемлекеттік сатып алудың бірыңғай жүйесін ұйымдастыру; 
      мемлекеттік қаржы бақылауы және қаржы мониторингі; 
      кеден қызметі; 
      мемлекеттің сыртқы саяси қызметі; 
      іргелі ғылыми зерттеулер жүргізу; 
      мемлекеттік статистикалық есеп; 
      мемлекеттік қызметтің бірыңғай жүйесін ұйымдастыру; 
      ғылыми кадрларды мемлекеттік аттестаттау; 
      Қазақстан Республикасының заңнамасына сәйкес әртүрлі қызмет салалары мен аяларында мемлекеттік сыйлықтар беру және мемлекеттік наградалармен марапаттау; 
      Алматы қаласы өңірлік қаржы орталығының қызметін реттеу; 
      саяси партиялардың қызметін қаржыландыру; 
      2) қорғаныс, қоғамдық тәртіп, қауіпсіздік: 
      мемлекеттің қорғанысын ұйымдастыру және қамтамасыз ету; 
      орталық атқарушы органдар жүргізетін жұмылдыру дайындығы және жұмылдыру; 
      мемлекеттік материалдық резервтерді қалыптастыру және сақтау; 
      ұлттық қауіпсіздікті қамтамасыз ету; 
      терроризмге және экстремизм мен сепаратизм көріністеріне қарсы күрес; 
      мемлекеттік құпиялардың қорғалуын қамтамасыз ету; 
      облыстық бюджеттен, республикалық маңызы бар қала, астана және аудан (облыстық маңызы бар қала) бюджеттерінен қаржыландырылатын іс-шараларды қоспағанда, жалпыға бірдей әскери міндетті орындауға байланысты іс-шараларды ұйымдастыру; 
      облыстық бюджеттен, республикалық маңызы бар қаланың, астананың бюджеттерінен қаржыландырылатын бағыттарды қоспағанда, Қазақстан Республикасының аумағында қоғамдық тәртіпті қорғау және қоғамдық қауіпсіздікті қамтамасыз ету; 
      табиғи және техногендік сипаттағы төтенше жағдайлар саласындағы қызметті ұйымдастыру; 
      жаһандық, өңірлік ауқымдағы төтенше жағдайлардың алдын алу және оларды жою; 
      кәсіби авариялық-құтқару қызметінің жұмысын ұйымдастыру және қамтамасыз ету; 
      мемлекеттік өртке қарсы қызметтің жұмысын қамтамасыз ету; 
      азаматтық қорғаныс жүйесін ұйымдастыру; 
      азаматтық және қызметтік қару мен оның патрондарына мемлекеттік кадастр жүргізу; 
      экономикалық және қаржы салаларындағы құқық қорғау қызметі; 
      3) құқық, сот, қылмыстық-атқару қызметі: 
      әділет саласындағы қызмет; 
      азаматтардың және мемлекеттің мүдделерін құқықтық қорғау; 
      заңдылықты және құқықтық тәртіпті қамтамасыз ету; 
      мемлекеттік құқықтық статистика және арнайы есепке алу; 
      сот сараптамасы қызметі; 
      сот жүйесінің жұмыс істеуі; 
      қылмыстық-атқару жүйесінің қызметін ұйымдастыру және қамтамасыз ету; 
      4) білім беру: 
      республикалық білім беру ұйымдарында дарынды балаларға жалпы білім беру; 
      республикалық маңызы бар мектептен тыс іс-шаралар өткізу; 
      республикалық бюджеттен қаржыландырылатын білім беру ұйымдарында жоғары оқу орнынан кейінгі, техникалық және кәсіптік, орта білімнен кейінгі және жоғары білімді мамандар даярлау; 
      республикалық деңгейде кадрлардың біліктілігін арттыру және қайта даярлау; 
      республикалық орта білім беру ұйымдарын, сондай-ақ халықаралық шарттарға сәйкес шетел мектептерінде оқитын отандастарды оқулықтармен және оқу-әдістемелік кешендермен қамтамасыз ету; 
      5) денсаулық сақтау: 
      жоғары мамандандырылған медициналық көмек көрсету; 
      республикалық денсаулық сақтау ұйымдарының мамандандырылған медициналық көмек көрсетуі; 
      республикалық деңгейде табиғи және техногендік сипаттағы төтенше жағдайларды жою кезінде шұғыл медициналық көмек қызметін ұйымдастыру; 
      республикалық маңызы бар мемлекеттік денсаулық сақтау ұйымдарында медициналық оңалту; 
      психиатриялық бұзылулардан (аурулардан) зардап шеккен және қатаң бақылауды қажет ететін адамдарға медициналық көмек көрсету; 
      сот-медициналық, сот-психиатриялық және сот-наркологиялық сараптама жүргізу; 
      ауру адамдарды шетелде емдеуді ұйымдастыру; 
      айрықша қатерлі жұқпалы ауруларға қарсы іс-қимыл; 
      республикалық маңызы бар мемлекеттік денсаулық сақтау ұйымдары үшін қан, оның құрауыштары мен препараттарын өндіру; 
      санитарлық-эпидемиологиялық қызметтің халықтың санитарлық-эпидемиологиялық салауаттылығын қамтамасыз етуі; 
      Қазақстан Республикасының заңнамалық актілеріне сәйкес әскери қызметшілерге, құқық қорғау органдарының қызметкерлеріне, олардың отбасы мүшелеріне, сондай-ақ әскери қызметшілердің, құқық қорғау органдары қызметкерлерінің қатарынан шыққан зейнеткерлерге және азаматтардың басқа да санаттарына медициналық қызмет көрсету; 
      жергілікті бюджеттерден қаржыландырылатын шығыстардан басқа, азаматтардың денсаулығын сақтау саласындағы қызмет; 
      6) әлеуметтік көмек және әлеуметтік қамсыздандыру: 
      Қазақстан Республикасының зейнетақымен қамсыздандыру туралы заңнамасына сәйкес бюджет қаражаты есебінен зейнетақымен қамсыздандырылуға құқығы бар азаматтарға зейнетақы төлемдері; 
      мемлекеттік әлеуметтік жәрдемақылар; 
      мемлекеттік арнайы жәрдемақылар; 
      арнайы мемлекеттік жәрдемақылар; 
      зейнеткерлерді, Ұлы Отан соғысының қатысушылары мен мүгедектерін, Қазақстан Республикасының заңнамалық актілерінде белгіленген мемлекеттік жәрдемақы алушыларды жерлеуге жәрдемақы; 
      бала тууына байланысты тағайындалатын және төленетін біржолғы мемлекеттік жәрдемақы; 
      баланы бір жасқа толғанға дейін бағу-күту бойынша оларға тағайындалатын және төленетін ай сайынғы мемлекеттік жәрдемақы; 
      экологиялық апат аймақтарында тұратын адамдарға Қазақстан Республикасының заңнамалық актілерінде көзделген әлеуметтік көмек; 
      әскери қызметшілердің, құқық қорғау органдары мен мемлекеттік өртке қарсы қызмет органдары қызметкерлерінің отбасыларына Қазақстан Республикасының заңнамалық актілерінде көзделген әлеуметтік төлемдер; 
      саяси қуғын-сүргін құрбандарына және одан зардап шеккендерге Қазақстан Республикасының заңнамалық актілерінде көзделген әлеуметтік төлемдер; 
      Қазақстан Республикасы Үкіметінің міндеттемелері болып табылатын әлеуметтік төлемдер; 
      көші-қон іс-шаралары; 
      7) мәдениет, спорт, туризм және ақпараттық кеңістік: 
      қазақтың ұлттық мәдениетін және басқа да ұлттық мәдениеттерді қайта өркендету, сақтау, дамыту және тарату; 
      республикалық маңызы бар театр және музыка өнерін, ұлттық фильмдер шығаруды, мұражай ісін қолдау; 
      мәдениет және мемлекеттік жастар саясаты саласында әлеуметтік маңызы бар іс-шаралар өткізу; 
      халықаралық және республикалық маңызы бар тарихи-мәдени мұра объектілерінің сақталуын қамтамасыз ету; 
      республикалық деңгейде спорттың ұлттық және бұқаралық түрлерінің дамуын қолдау; 
      жоғары жетістіктер спортын дамыту; 
      Қазақстан Республикасының ұлттық құрама командалары мүшелерінің халықаралық спорттық жарыстарға дайындығы және қатысуы; 
      халықаралық туристік нарықта және мемлекет ішінде Қазақстан және оның туристік мүмкіндіктері туралы ақпарат дайындау және тарату; 
      республикалық маңызы бар мұрағат қорының сақталуын қамтамасыз ету; 
      республикалық кітапханалардың жұмыс істеуі; 
      бұқаралық ақпарат құралдары арқылы республикалық деңгейде мемлекеттік ақпарат саясатын жүргізу; 
      мемлекеттік тілді және Қазақстан халқының басқа да тілдерін дамыту; 
      8) агроөнеркәсіптік кешен, су, орман, балық шаруашылығы, ерекше қорғалатын табиғи аумақтар және қоршаған ортаны қорғау, жер қатынастары: 
      су ресурстарын қорғауды және ұтымды пайдалануды қамтамасыз ету, су шаруашылығы баланстарын, су ресурстарын кешенді пайдалану және қорғау схемаларын әзірлеу, су ресурстарын пайдалану және қорғау болжамы, су ресурстарын пайдаланудың ақпараттық-талдау жүйесін қамтамасыз ету; 
      судың мемлекеттік есебін, мемлекеттік су кадастрын жүргізу; 
      су беруге байланысты емес трансшекаралық су шаруашылығы құрылыстарын және республикалық маңызы бар су шаруашылығы құрылыстарын пайдалану; 
      республикалық маңызы бар ерекше авариялық су шаруашылығы құрылыстарын және гидромелиорациялық жүйелерді қалпына келтіру; 
      суармалы жерлердің мелиорациялық жай-күйінің мониторингі және оны бағалау; 
      республикалық маңызы бар орман қорын, жануарлар дүниесін, ерекше қорғалатын табиғи аумақтарды мемлекеттік есепке алуды, табиғи ресурстардың мемлекеттік кадастрларын жүргізу, ормандар мен жануарлар дүниесінің мемлекеттік мониторингі; 
      орман шаруашылығын жүргізу; 
      орман тұқым шаруашылығы және селекция; 
      мемлекеттік орман кадастрын, жануарлар дүниесінің, ерекше қорғалатын табиғи аумақтардың мемлекеттік кадастрларын жүргізу; 
      ормандарды өрттен қорғау, орман зиянкестерінен және ауруларынан қорғау жөніндегі авиациялық жұмыстар; 
      балық ресурстарын және басқа да су мекенді жануарларын қорғау және өсімін молайту; 
      балық аулауды мемлекеттік реттеу және балық қорларын қорғау; 
      республикалық маңызы бар ерекше қорғалатын табиғи аумақтарды күтіп ұстау, мемлекеттік табиғи-қорық қорын қалпына келтіру; 
      Қазақстан Республикасының жер заңнамасында белгіленген жағдайларда, жер учаскелерінің меншік иелеріне немесе жер пайдаланушыларға келтірілген залалдарды өтеу; 
      қоршаған ортаның мемлекеттік мониторингі; 
      республикалық деңгейде қоршаған ортаны қорғау бойынша іс-шаралар жүргізу; 
      I санат объектілеріне мемлекеттік экологиялық сараптама жүргізу; 
      қоршаған ортаға эмиссияға I санат объектілері үшін рұқсат беру; 
      гидрометеорологиялық мониторинг; 
      республикалық деңгейде жер қатынастарын реттеу; 
      мемлекеттік жер кадастрын, жер мониторингін жүргізу; 
      топографиялық-геодезиялық және картографиялық жұмыстар; 
      жануарлар ауруларының диагностикасы, эпизоотияға қарсы жұмыс, оның ішінде ветеринариялық препараттарды, олардың қорын қоса алғанда, сатып алу, жеткізу, сақтау, қолдану, сондай-ақ жануарлар мен құстардың қатерлі жұқпалы ауруларының ошақтарын жою және зарарсыздандыру; 
      ветеринариялық препараттарды, жемшөпті және жемшөп қоспаларын тіркеу сынақтары, байқап көру, сондай-ақ шағым жасалған кезде ветеринариялық препараттардың серияларын (партияларын) бақылау; 
      фитосанитариялық мониторинг; 
      карантиндегі өнімнің зертханалық сараптамасы және егіс пен екпе материалдарындағы жасырын жұқтырылған ауруды анықтау; 
      карантиндік объектілердің таралу ошақтарын анықтау, оқшаулау, жою; 
      қорымен қоса, пестицидтерді (улы химикаттарды), оларды жеткізуге, сақтауға және қолдануға байланысты қызметтер көрсетуді сатып алу; 
      мемлекеттік астық ресурстарына астық сатып алу, мемлекеттік азық-түліктік астық резервін сақтау және ауыстыру; 
      аграрлық азық-түлік нарығында сатып алу операцияларын және баға интервенциясын жүргізу; 
      сорт сынақтары, тұқымдық және екпе материалдың сорттық және егістік сапаларын айқындау; 
      ауыл шаруашылығы дақылдары тұқымының мемлекеттік ресурстарын қалыптастыру және басқару; 
      ауыл шаруашылығы өндірісін агрохимиялық және агроклиматтық қамтамасыз ету; 
      агроөнеркәсіптік кешенді техникалық қамтамасыз етуді мемлекеттік реттеу; 
      агроөнеркәсіптік кешеннің тұрақты дамуын қамтамасыз ету, оның субъектілеріне бәсекелестік нарығында жоқ немесе жеткіліксіз көрсетіліп келген қызметтер көрсетудің жекелеген түрлерін ұсыну; 
      агроөнеркәсіптік кешеннің ақпараттық-маркетингтік жүйесін ұйымдастыру; 
      екінші деңгейдегі банктердің ауыл шаруашылығы өнімін өңдеу жөніндегі кәсіпорындарға беретін кредиттер бойынша сыйақы ставкаларын субсидиялау; 
      ауыл шаруашылығы өнімі өндірісін басқару мен нарық жүйелерін дамыту; 
      өсімдік шаруашылығындағы міндетті сақтандыруды қолдау; 
      өсімдіктердің жоғары бағалы сорттарының, ауыл шаруашылығы жануарларының, құстар мен балықтардың тұқымдары мен түрлерінің тектік қорын сақтау және дамыту; 
      суармалы жерлерді мелиоративтік жақсарту жөнінде іс-шаралар жүргізу; 
      9) өнеркәсіп, жер қойнауын пайдалану, сәулет, қала құрылысы және құрылыс қызметі: 
      мемлекеттік өнеркәсіп саясатын іске асыру; 
      отын-энергетика кешенін дамыту; 
      энергияны үнемдеу саласында мемлекеттік саясатты іске асыру; 
      жер қойнауы және жер қойнауын пайдалану, сейсмологиялық ақпарат мониторингі; 
      мемлекеттік геологиялық зерттеу; 
      геологиялық ақпаратты қалыптастыру; 
      кеніштер мен шахталарды жабу және жою, техногендік қалдықтарды көму; 
      республикалық маңызы бар мемлекеттік қала құрылысы кадастрын жүргізу; 
      құрылыс нормалары мен стандарттарын сатып алу және әзірлеу; 
      10) көлік және коммуникациялар: 
      халықаралық және республикалық маңызы бар автомобиль жолдарын, сондай-ақ оларда жол жүрісін реттеудің техникалық құралдарын салу, реконструкциялау, жөндеу және күтіп-ұстау; 
      су көлігі қызметін ұйымдастыру және реттеу; 
      кеме қатынасы жолдарын, шлюздерді күтіп-ұстау және кеме қатынасы қауіпсіздігін қамтамасыз ету; 
      теңіз жолдарын навигациялық-гидрографиялық қамтамасыз ету; 
      әуе және су көлігін мемлекеттік реттеу; 
      әлеуметтік маңызы бар облысаралық қатынастар бойынша жолаушылар тасымалын ұйымдастыру; 
      магистралды темір жолдарды дамыту; 
      аэроғарыш қызметі; 
      радиожиілік спектрі мен радиоэлектронды құралдар мониторингі; 
      11) экономикалық қызметті реттеу: 
      стандарттау, метрология және сертификаттау; 
      патенттерді, тауар белгілерін тіркеу және қорғау; 
      мемлекеттік инновациялық саясат; 
      мемлекеттік экспорттық және импорттық бақылау; 
      саудалық және демпингке қарсы реттеу; 
      бәсекелестікті дамыту және қорғау; 
      бағаны және табиғи монополияларды мемлекеттік реттеу; 
      шағын кәсіпкерлік субъектілерін қолдау; 
      12) басқа да бағыттар: 
      облыстық бюджеттерге, республикалық маңызы бар қала, астана бюджеттеріне трансферттер; 
      үкіметтік борышқа қызмет көрсету және өтеу; 
      мемлекеттік кепілдіктер бойынша міндеттемелерді орындау; 
      үкіметтік қарыздарды хеджирлеу мәмілелері бойынша шығыстар; 
      мемлекеттің кепілгерлігі бойынша міндеттемелерді орындау; 
      Қазақстан Республикасы Үкіметінің концессиялық міндеттемелерін орындау. 
      2. Сонымен қатар, республикалық бюджеттен: 
      1) мемлекеттік қызмет көрсететін немесе осы баптың 1-тармағында аталған қызмет түрлерін орындайтын орталық мемлекеттік органдар мен мемлекеттік мекемелердің күрделі шығыстарына, сондай-ақ аталған мемлекеттік мекемелердің кадрларды қайта даярлау және қызметкерлердің біліктілігін арттыру жөніндегі шығыстарына; 
      2) бюджеттік инвестициялық және концессиялық жобаларға, халықаралық ынтымақтастыққа, қолданбалы ғылыми зерттеулерге және осы баптың 1-тармағында аталған бағыттар бойынша нормативтік-әдістемелік қамтамасыз етуге; 
      3) Қазақстан Республикасының заңнамалық актілерінде көзделген өзге де мемлекеттік қызметтерге және орталық мемлекеттік органдар қызметінің бағыттарына арналған шығыстар қаржыландырылады. 
      3. Осы бапта аталған бағыттар бойынша шығыстарды бюджеттің басқа деңгейлерінен қаржыландыруға жол берілмейді. 
      4. Республикалық бюджеттен қаржыландырылатын орталық мемлекеттік органдар мен олардың аумақтық бөлімшелерінің шығыстары, мемлекеттік қызметтер көрсетудің заттай нормалары мен стандарттары ескеріле отырып, Қазақстан Республикасының Үкіметі бекітетін штат санының лимиттері негізінде жоспарланады.     

  54-бап. Облыстық бюджеттің шығыстары     

1. Облыстық бюджеттің  шығыстары мынадай бағыттар бойынша  жүзеге асырылады: 
      1) жалпы сипаттағы мемлекеттік функциялар: 
      облыстық деңгейдегі жергілікті өкілді және атқарушы органдардың жұмыс істеуі; 
      облыс деңгейінде мемлекеттік жоспарлау; 
      облыстық бюджеттің атқарылуын ұйымдастыру; 
      облыстық коммуналдық меншікті басқару; 
      2) қорғаныс, қоғамдық тәртіп, қауіпсіздік: 
      облыстық ауқымдағы жұмылдыру дайындығы және жұмылдыру, аумақтық қорғанысты дайындау және аумақтық қорғаныс; 
      облыс аумағында қоғамдық тәртіпті қорғау және қоғамдық қауіпсіздікті қамтамасыз ету; 
      облыстық ауқымдағы азаматтық қорғаныс іс-шаралары; 
      облыстық әскери басқару органдарын жабдықталған шақыру (жинау) пункттерімен, дәрі-дәрмекпен, құрал-сайманмен, медициналық және шаруашылық мүлікпен, автомобиль көлігімен, байланыс құралдарымен, медициналық және техникалық қызметкерлермен, қызмет көрсететін персоналмен қамтамасыз ету бойынша жалпыға бірдей әскери міндетті атқару шеңберіндегі іс-шаралар және медициналық комиссиялар құру; 
      жергілікті ауқымдағы төтенше жағдайлардың алдын алу және оларды жою; 
      ішкі істер органдарының айдауылмен алып жүруі; 
      азаматтық, көшіп кету және көшіп келу, шетелдіктермен жұмыс мәселелері және заңсыз көші-қонға қарсы күрес жөніндегі қызмет; 
      уақытша ұстау изоляторларының, медициналық айықтырғыштардың, кәмелетке толмағандарды, белгілі тұрғылықты жері және құжаттары жоқ адамдарды уақытша оқшаулау, бейімдеу және оңалту орталықтарының, арнайы қабылдау орындарының жұмыс істеуі және әкімшілік қамауға алынған адамдарды, қызметтік жануарларға арналған питомниктерді күтіп-ұстау; 
      мемлекеттік нөмір белгілерін, жүргізуші куәлігінің бланкілерін және көлік құралдарын мемлекеттік тіркеу куәліктері бланкілерін дайындау ақысын қаржыландыруды қоспағанда, жол полициясы қызметін қамтамасыз ету; 
      республикалық бюджеттен қаржыландырылатын аумақтық органдар аппараттарының ситуациялық орталығының электрондық почта, бейне-конференц-байланыс және бейне бақылау жүйесіне қызметтер көрсетуге арналған шығындарды қоспағанда, жанар-жағар май материалдарын сатып алуды, сондай-ақ аумақтық ішкі істер органдарына коммуналдық қызметтер көрсетуге, электр энергиясына, жылуға және байланыс қызметтерін көрсетуге ақы төлеу жөніндегі шығындарын қоса, қызметтік үй-жайлар мен көлік құралдарын күтіп-ұстау, оларға қызметтер көрсету және оларды жөндеу; 
      3) білім беру: 
      техникалық және кәсіптік, орта білімнен кейінгі кәсіптік оқу бағдарламаларын, сондай-ақ арнайы және мамандандырылған жалпы білім беретін оқу бағдарламаларын іске асыратын білім беру ұйымдары үшін оқулықтар және оқу-әдістемелік кешендер сатып алу және жеткізу; 
      облыстық деңгейде жүзеге асырылатын балаларға қосымша білім беру; 
      республикалық бюджеттен қаржыландырылатындарды қоспағанда, техникалық және кәсіптік, орта білімнен кейінгі білімі бар мамандарды даярлау; 
      балаларды арнайы жалпы білім беретін оқу бағдарламалары бойынша оқыту; 
      мамандандырылған білім беру ұйымдарында дарынды балаларды оқыту; 
      техникалық және кәсіптік, орта білімнен кейінгі білім; 
      облыстық ауқымдағы мектеп олимпиадаларын өткізу; 
      жергілікті деңгейде бюджет қаражаты есебінен қаржыландырылатын мемлекеттік ұйымдар қызметкерлерінің біліктілігін арттыру және оларды қайта даярлау; 
      балалар мен жасөспірімдердің психикалық денсаулығын зерттеу және халыққа психологиялық-медициналық-педагогикалық консультациялық көмек көрсету; 
      дамуында проблемалар бар балалар мен жасөспірімдерді оңалту және әлеуметтік бейімдеу; 
      техникалық және кәсіптік, орта білімнен кейінгі кәсіптік оқу бағдарламаларын, сондай-ақ арнайы және мамандандырылған жалпы білім беретін оқу бағдарламаларын іске асыратын мемлекеттік білім беру ұйымдарын (қылмыстық-атқару жүйесінің түзеу мекемелеріндегі білім ұйымдарын қоспағанда) материалдық-техникалық қамтамасыз ету; 
      жетім балаларды, ата-анасының қамқорлығынсыз қалған балаларды мемлекеттік қамтамасыз ету, оларды міндетті түрде жұмысқа орналастыру және тұрғын үймен қамтамасыз ету; 
      Қазақстан Республикасының заңнамасында көзделген тәртіппен білім алушылардың жекелеген санаттарын ақысыз және жеңілдікпен тамақтандыру; 
      әдістемелік жұмыс; 
      4) денсаулық сақтау: 
      республикалық бюджеттен қаржыландырылатын бағыттарды қоспағанда, медициналық көмектің кепілді көлемін қамтамасыз ету; 
      Қазақстан Республикасының заңнамасына сәйкес вакциналарды, иммунобиологиялық және басқа да медициналық препараттарды сатып алу; 
      жергілікті денсаулық сақтау ұйымдары үшін қан, оның құрауыштары мен препараттарын өндіру; 
      республикалық бюджеттен қаржыландырылатын бағыттарды қоспағанда, денсаулық сақтау саласындағы басқа да іс-шаралар; 
      5) әлеуметтік көмек және әлеуметтік қамсыздандыру: 
      жетім балаларды, ата-анасының қамқорлығынсыз қалған балаларды әлеуметтік қамсыздандыру; 
      ауданның (облыстық маңызы бар қаланың) бюджетінен қаржыландырылатын әлеуметтік көмек түрлерін қоспағанда, мүгедек балаларды қоса алғанда, қарттар мен мүгедектерді әлеуметтік қамсыздандыру; 
      6) тұрғын үй-коммуналдық шаруашылық: 
      елді мекендерді газдандыру; 
      облыстық коммуналдық меншікті қорғау жөніндегі шаралар; 
      7) мәдениет, спорт, туризм және ақпараттық кеңістік: 
      жергілікті маңызы бар театр және музыка өнерін қолдау; 
      мәдени-демалыс жұмысын қолдау; 
      жергілікті маңызы бар тарихи-мәдени мұраның сақталуын және оған қол жеткізілуін қамтамасыз ету; 
      республикалық және халықаралық спорттық жарыстарға әртүрлі спорт түрлері бойынша облыстық құрама командалары мүшелерінің дайындығы және қатысуы; 
      облыстық деңгейде спорттық жарыстар өткізу; 
      жергілікті деңгейде туристік қызметті реттеу; 
      жергілікті маңызы бар мұрағат қорының сақталуын қамтамасыз ету; 
      облыстық кітапханалардың жұмыс істеуін қамтамасыз ету; 
      бұқаралық ақпарат құралдары арқылы жергілікті деңгейде мемлекеттік ақпараттық саясат жүргізу; 
      жергілікті деңгейде мемлекеттік тілді және Қазақстан халқының басқа да тілдерін дамыту; 
      облыстық деңгейде мемлекеттік жастар саясатын іске асыру шеңберінде іс-шаралар өткізу; 
      8) агроөнеркәсіптік кешен, су, орман шаруашылығы, ерекше қорғалатын табиғи аумақтар, қоршаған ортаны және жануарлар дүниесін қорғау, жер қатынастары: 
      Қазақстан Республикасының заңдарына сәйкес облыстық деңгейде облыстағы ауыл шаруашылығы саласындағы қатынастарды реттеу; 
      Қазақстан Республикасының заңдарына сәйкес облыстық деңгейде өсімдік шаруашылығының, тұқым шаруашылығының, мал шаруашылығының, ветеринарияның дамуын, ауыл шаруашылығы өнімін өңдеуді және өткізуді реттеу; 
      арнайы қоймаларды (көмінділерді) күтіп-ұстау, салу және жөндеу; 
      бюджет қаражаты есебінен алынған пестицидтерді (улы химикаттарды) залалсыздандыру; 
      коммуналдық меншіктегі су шаруашылығы құрылыстарының жұмыс істеуін қамтамасыз ету; 
      суды қорғау аймақтарын, су объектілері белдеулерін белгілеу; 
      облыстық маңызы бар ерекше авариялық су шаруашылығы құрылыстары мен гидромелиорациялық жүйелерді қалпына келтіру; 
      облыстық маңызы бар су құбырларын салу және реконструкциялау; 
      ормандарды сақтау, қорғау, молайту және орман өсіру; 
      жергілікті маңызы бар ерекше қорғалатын табиғи аумақтарды күтіп-ұстау және қорғау; 
      қоршаған ортаны қорғау жөнінде іс-шаралар өткізу; 
      II, III, IV санат объектілеріне мемлекеттік экологиялық сараптама жүргізу; 
      II, III, IV санаттағы қоршаған ортаға эмиссияларға рұқсат беру; 
      жануарлар дүниесін қорғау; 
      облыстық деңгейде жер қатынастарын реттеу; 
      Қазақстан Республикасының жер заңнамасында белгіленген жағдайларда, жер учаскелерінің меншік иелеріне немесе жер пайдаланушыларға келтірілген залалдарды өтеу; 
      инновациялық тәжірибені тарату және қолданысқа енгізу жөнінде іс-шаралар өткізу; 
      9) сәулет, қала құрылысы және құрылыс қызметі: 
      республикалық бюджеттен қаржыландырылатын шығыстарды қоспағанда, сәулет, қала құрылысы және құрылыс қызметін ұйымдастыру және бақылау; 
      10) көлік және коммуникациялар: 
      әлеуметтік мәні бар ауданаралық (қалааралық) қатынастар бойынша жолаушылар тасымалын ұйымдастыру; 
      облыстық маңызы бар автомобиль жолдарын, сондай-ақ оларда жол жүрісін реттеудің техникалық құралдарын салу, реконструкциялау, жөндеу және күтіп-ұстау; 
      11) экономикалық қызметті реттеу: 
      кәсіпкерлік қызметті қолдау; 
      12) өзге де бағыттар: 
      аудандар (облыстық маңызы бар қалалар) бюджеттеріне трансферттер; 
      республикалық бюджетке трансферттер; 
      жергілікті атқарушы органдардың борышына қызмет көрсету және оларды өтеу; 
      жергілікті атқарушы органдардың концессиялық міндеттемелерін орындау. 
      2. Сонымен катар, облыстық бюджеттерден: 
      1) мемлекеттік қызмет көрсететін немесе осы баптың 1-тармағында аталған қызмет түрлерін орындайтын мемлекеттік мекемелердің күрделі шығыстарына, сондай-ақ аталған мемлекеттік мекемелердің кадрларын қайта даярлау және қызметкерлерінің біліктілігін арттыру жөніндегі шығыстарға; 
      2) осы баптың 1-тармағында аталған бағыттар бойынша бюджеттік инвестициялық және концессиялық жобаларға; 
      3) Қазақстан Республикасының заңдарында көзделген облыстың жергілікті мемлекеттік басқару органдарының өзге де көрсетілетін мемлекеттік қызметіне және қызмет түрлерінің бағыттарына арналған шығындар қаржыландырылады. 
      3. Осы бапта аталған бағыттар бойынша шығыстарды бюджеттің басқа деңгейлерінен қаржыландыруға жол берілмейді. 
      4. Облыстық бюджеттен қаржыландырылатын жергілікті атқарушы органдардың шығыстары, мемлекеттік қызметтер көрсетудің заттай нормалары мен стандарттары ескеріле отырып, Қазақстан Республикасының Үкіметі бекітетін штат санының лимиттері негізінде жоспарланады.    

  55-бап. Республикалық маңызы бар қала, астана 
               бюджеттерінің шығыстары     

1. Республикалық  маңызы бар қала, астана бюджеттерінің шығыстары мына бағыттар бойынша жүзеге асырылады: 
      1) жалпы сипаттағы мемлекеттік функциялар: 
      республикалық маңызы бар қаланың, астананың жергілікті өкілді және атқарушы органдарының жұмыс істеуі; 
      республикалық маңызы бар қала, астана деңгейінде мемлекеттік жоспарлау; 
      республикалық маңызы бар қала, астана бюджетінің атқарылуын ұйымдастыру; 
      республикалық маңызы бар қаланың, астананың коммуналдық меншігін басқару; 
      салық салу мақсатында мүлікке бағалау жүргізу; 
      2) қорғаныс, қоғамдық тәртіп, қауіпсіздік: 
      республикалық маңызы бар қаланың, астананың жұмылдыру дайындығы және жұмылдыру, аумақтық қорғаныс дайындығы және аумақтық қорғанысы; 
      республикалық маңызы бар қаланың, астананың әскери басқару органдарын жабдықталған шақыру (жинау) пункттерімен, дәрі-дәрмекпен, құрал-сайманмен, медициналық және шаруашылық мүлікпен, автомобиль көлігімен, байланыс құралдарымен, медициналық және техникалық қызметкерлермен, қызмет көрсететін персоналмен қамтамасыз ету бойынша әскери міндетті атқару шеңберіндегі іс-шаралар және медициналық комиссиялар құру; 
      жергілікті ауқымдағы төтенше жағдайлардың алдын алу және оларды жою; 
      республикалық маңызы бар қала, астана аумағында қоғамдық тәртіпті қорғау және қоғамдық қауіпсіздікті қамтамасыз ету; 
      қалалық ауқымдағы дала өрттерінің, сондай-ақ мемлекеттік өртке қарсы қызмет органдары құрылмаған елді мекендердегі өрттердің алдын алу және оларды сөндіру жөніндегі іс-шараларды қамтамасыз ету; 
      республикалық маңызы бар қаланың, астананың азаматтық қорғаныс іс-шаралары; 
      уақытша ұстау изоляторларының, медициналық айықтырғыштардың, кәмелетке толмағандарды, белгілі тұрғылықты жері және құжаттары жоқ адамдарды уақытша оқшаулау, бейімдеу және оңалту орталықтарының, арнайы қабылдау орындарының жұмыс істеуі және әкімшілік қамауға алынған адамдарды, қызметтік жануарлар питомниктерін күтіп-ұстау; 
      елді мекендерде жол жүрісі қауіпсіздігін қамтамасыз ету; 
      ішкі істер органдарының айдауылмен алып жүруі; 
      азаматтық, көшіп кету және көшіп келу мәселелері, шетелдіктермен жұмыс және заңсыз көші-қонға қарсы күрес жөніндегі қызмет; 
      мемлекеттік нөмір белгілерін, жүргізуші куәлігінің бланкілерін және көлік құралдарын мемлекеттік тіркеу куәліктері бланкілерін дайындауды қаржыландыруды қоспағанда, жол полициясы қызметін қамтамасыз ету; 
      республикалық бюджеттен қаржыландырылатын аумақтық органдар аппараттарының ахуалдық орталығының электрондық почта, бейне-конференц-байланыс және бейне бақылау жүйесі қызметтерін көрсетуге арналған шығындарын қоспағанда, жанар-жағар май материалдарын сатып алуды, сондай-ақ аумақтық ішкі істер органдарының көрсетілетін коммуналдық қызметке, электр энергиясына, жылуға және көрсетілетін байланыс қызметіне ақы төлеу жөніндегі шығындарын қоса, қызметтік үй-жайлар мен көлік құралдарын күтіп-ұстау, оларға қызмет көрсету және оларды жөндеу; 
      3) білім беру: 
      мектепке дейінгі тәрбие және оқыту; 
      оқудың кешкі (ауысымдық), оның ішінде интернаттық ұйымдар арқылы ұсынылатын нысанын қоса алғанда, міндетті жалпы орта білім беруді ұйымдастыру және қамтамасыз ету; 
      техникалық және кәсіптік, орта білімнен кейінгі білім беру; 
      арнайы жалпы білім беретін оқу бағдарламалары бойынша білім беру; 
      мамандандырылған білім беру ұйымдарында дарынды балаларды оқыту; 
      республикалық маңызы бар қала, астана ауқымында мектеп олимпиадаларын өткізу; 
      республикалық бюджеттен қаржыландырылатындарды қоспағанда, техникалық және кәсіптік, орта білімнен кейінгі білімі бар мамандар даярлау; 
      жергілікті деңгейде бюджет қаражаты есебінен қаржыландырылатын мемлекеттік ұйымдар қызметкерлерінің біліктілігін арттыру және оларды қайта даярлау; 
      балалар мен жасөспірімдердің психикалық денсаулығын зерттеу және халыққа психологиялық-медициналық-педагогикалық консультациялық көмек көрсету; 
      дамуында проблемалар бар балалар мен жасөспірімдерді оңалту және әлеуметтік бейімдеу; 
      балалар үшін қосымша білім беру; 
      бастауыш, негізгі орта және жалпы орта білімнің жалпы білім беретін оқу бағдарламаларын, техникалық және кәсіптік, орта білімнен кейінгі кәсіптік оқу бағдарламаларын, сондай-ақ арнайы және мамандандырылған жалпы білім беретін оқу бағдарламаларын іске асыратын мемлекеттік білім беру ұйымдары үшін оқулықтар және оқу-әдістемелік кешендер сатып алу және жеткізу; 
      мемлекеттік білім беру ұйымдарын (қылмыстық-атқару жүйесінің түзеу мекемелеріндегі білім беру ұйымдарын қоспағанда) және мектепке дейінгі тәрбие және оқыту ұйымдарын материалдық-техникалық қамтамасыз ету; 
      жетім балаларды, ата-анасының қамқорлығынсыз қалған балаларды мемлекеттік қамтамасыз ету, оларды міндетті түрде жұмысқа орналастыру және тұрғын үймен қамтамасыз ету; 
      мектепке дейінгілерді қоспағанда, білім беру ұйымдарының білім алушылары мен тәрбиеленушілеріне медициналық қызмет көрсету; 
      білім алушылар мен тәрбиеленушілердің жекелеген санаттарын ақысыз және жеңілдікпен тамақтандыру; 
      4) денсаулық сақтау: 
      республикалық бюджеттен қаржыландырылатын бағыттарды қоспағанда, медициналық көмектің кепілді көлемін қамтамасыз ету; 
      Қазақстан Республикасының заңнамасына сәйкес вакциналар, иммунобиологиялық және басқа да медициналық препараттар сатып алу; 
      жергілікті денсаулық сақтау ұйымдары үшін қан, оның құрауыштары мен препараттарын өндіру; 
      республикалық бюджеттен қаржыландырылатын бағыттарды қоспағанда, денсаулық сақтау саласындағы басқа да іс-шаралар; 
      5) әлеуметтік көмек және әлеуметтік қамсыздандыру: 
      тұрғын үй көмегі; 
      мұқтаж азаматтарға үйде әлеуметтік көмек көрсету; 
      белгілі бір тұрғылықты жері жоқ адамдарды әлеуметтік бейімдеу; 
      жетім балаларды, ата-анасының қамқорлығынсыз қалған балаларды әлеуметтік қамсыздандыру; 
      мүгедек балаларды қоса алғанда, қарттар мен мүгедектерді әлеуметтік қамсыздандыру; 
      халықтың жұмыспен қамтылуын қамтамасыз ету; 
      мемлекеттік атаулы әлеуметтік көмек; 
      жергілікті өкілді органдардың шешімдері бойынша мұқтаж азаматтардың жекелеген санаттарына әлеуметтік көмек; 
      он сегіз жасқа дейінгі балаларға тағайындалатын және төленетін ай сайынғы мемлекеттік жәрдемақы; 
      6) тұрғын үй-коммуналдық шаруашылық: 
      республикалық маңызы бар қаланың, астананың мемлекеттік тұрғын үй қорының сақталуын ұйымдастыру; 
      тұрғын үй қорын түгендеу; 
      Қазақстан Республикасының заңнамалық актілеріне сәйкес азаматтардың жекелеген санаттарын тұрғын үймен қамтамасыз ету; 
      Қазақстан Республикасының заңдарына сәйкес жер учаскелерін мемлекет мұқтаждығы үшін алып қою, оның ішінде сатып алу жолымен алып қою және осыған байланысты жылжымайтын мүлікті иеліктен шығару; 
      коммуналдық меншіктегі сумен жабдықтау объектілерін, тазарту, сорғыту жүйелерін, кәріз, жылу және электр желілерін құру және реконструкциялау; 
      елді мекендердің санитариясын қамтамасыз ету; 
      жерлеу орындарын күтіп-ұстау және туған-туысы жоқтарды жерлеу; 
      елді мекендерде көшелерді жарықтандыру; 
      елді мекендерді абаттандыру және көгалдандыру; 
      елді мекендерді газдандыру; 
      Қазақстан Республикасының заңнамалық актілеріне сәйкес республиканың сейсмикалық қауіпті өңірлерінде орналасқан тұрғын үйлердің сейсмикалық беріктігін нығайтуға бағытталған іс-шаралар; 
      коммуналдық тұрғын үй қорының тұрғын үй құрылысы; 
      Қазақстан Республикасының заңнамалық актілеріне сәйкес авариялық және ескі тұрғын үйлерді бұзу; 
      7) мәдениет, спорт, туризм және ақпараттық кеңістік: 
      жергілікті маңызы бар театр және музыка өнерін қолдау; 
      жергілікті маңызы бар тарихи-мәдени мұралардың сақталуын және оған қол жеткізілуін қамтамасыз ету; 
      мәдени-демалыс жұмысын қолдау; 
      хайуанаттар парктері мен дендропарктердің жұмыс істеуін қамтамасыз ету; 
      жергілікті деңгейде спорттық жарыстар өткізу; 
      республикалық және халықаралық спорттық жарыстарға әртүрлі спорт түрлері бойынша республикалық маңызы бар кала, астана құрама командалары мүшелерінің дайындығы және қатысуы; 
      жергілікті деңгейде туристік қызметті реттеу; 
      жергілікті маңызы бар мұрағат қорының сақталуын қамтамасыз ету; 
      қалалық кітапханалардың жұмыс істеуін қамтамасыз ету; 
      бұқаралық ақпарат құралдары арқылы жергілікті деңгейде мемлекеттік ақпарат саясатын жүргізу; 
      жергілікті деңгейде мемлекеттік тілді және Қазақстан халқының басқа да тілдерін дамыту; 
      республикалық маңызы бар қала, астана деңгейінде мемлекеттік жастар саясатын іске асыру шеңберінде іс-шаралар өткізу; 
      8) агроөнеркәсіптік кешен, су шаруашылығы, ерекше қорғалатын табиғи аумақтар, қоршаған ортаны қорғау және жер қатынастары: 
      Қазақстан Республикасының заңдарына сәйкес республикалық маңызы бар қала, астана деңгейінде өсімдік шаруашылығының, тұқым шаруашылығының, мал шаруашылығының, ветеринарияның дамуын, ауыл шаруашылығы өнімін өңдеуді және өткізуді реттеу; 
      ауру жануарларды санитарлық союды, мал көмінділерін (биотермиялық орлар) жасау мен оларды күтіп-ұстауды қамтамасыз етуді ұйымдастыру; 
      арнайы қоймаларды (көмінділерді) күтіп-ұстау, салу және жөндеу; 
      бюджет қаражаты есебінен сатып алынған пестицидтерді (улы химикаттарды) залалсыздандыру; 
      республикалық маңызы бар қаланың, астананың су құбырларын салу және реконструкциялау; 
      су қорғау аймақтарын, ауыз сумен жабдықтау көздерінің санитарлық қорғау белдеулері мен аймақтарын белгілеу; 
      республикалық маңызы бар қаланың, астананың ерекше авариялық су шаруашылығы құрылыстарын және гидромелиорациялық жүйелерін қалпына келтіру; 
      жергілікті маңызы бар ерекше қорғалатын табиғи аумақтарды күтіп-ұстау және қорғау; 
      қоршаған ортаны қорғау бойынша іс-шаралар өткізу; 
      II, III, IV санат объектілеріне мемлекеттік экологиялық сараптама жүргізу; 
      II, III, IV санаттағы қоршаған ортаға эмиссияға рұқсат беру; 
      республикалық маңызы бар қалада, астанада жер қатынастарын реттеу; 
      елді мекендерді жер-шаруашылық тұрғысынан орналастыру; 
      Қазақстан Республикасының жер заңнамасында белгіленген жағдайларда, жер учаскелерінің меншік иелеріне немесе жер пайдаланушыларға келтірілген залалдарды өтеу; 
      9) сәулет, қала құрылысы және құрылыс қызметі: 
      республикалық бюджеттен қаржыландырылатын шығыстарды қоспағанда, сәулет, қала құрылысы және құрылыс қызметін ұйымдастыру және бақылау; 
      10) көлік және коммуникациялар: 
      әлеуметтік маңызы бар ішкі қатынастар бойынша жолаушы тасымалын ұйымдастыру; 
      қалалардың көшелерін, сондай-ақ оларда жол жүрісін реттеудің техникалық құралдарын салу, реконструкциялау, жөндеу және күтіп-ұстау; 
      11) экономикалық қызметті реттеу: 
      кәсіпкерлік қызметті қолдау; 
      12) басқа да бағыттар: 
      республикалық бюджетке трансферттер; 
      жергілікті атқарушы органдардың борышына қызмет көрсету және оны өтеу; 
      жергілікті атқарушы органдардың концессиялық міндеттемелерін орындау. 
      2. Сол сияқты, республикалық маңызы бар қала, астана бюджеттерінен: 
      1) мемлекеттік қызмет көрсететін немесе осы баптың 1-тармағында аталған қызмет түрлерін орындайтын мемлекеттік мекемелердің күрделі шығыстарына, сондай-ақ аталған мемлекеттік мекемелердің кадрларды қайта даярлау және қызметкерлердің біліктілігін арттыру бойынша шығыстарына; 
      2) осы баптың 1-тармағында аталған бағыттар бойынша бюджеттік инвестициялық және концессиялық жобаларға; 
      3) Қазақстан Республикасының заңдарында көзделген өзге де мемлекеттік қызметтерге және республикалық маңызы бар қаланың, астананың жергілікті мемлекеттік басқару органдарының қызмет бағыттарына арналған шығындар қаржыландырылады. 
      3. Осы бапта аталған бағыттар бойынша шығыстарды бюджеттің басқа деңгейлерінен қаржыландыруға жол берілмейді. 
      4. Республикалық маңызы бар қаланың, астананың бюджеттерінен қаржыландырылатын жергілікті атқарушы органдардың шығыстары көрсетілетін мемлекеттік қызметтің заттай нормалары мен стандарттары ескеріле отырып, Қазақстан Республикасының Үкіметі бекітетін штат санының лимиттері негізінде жоспарланады. 
      5. Республикалық маңызы бар қала, астана бюджеттерінің құрамында мынадай бағыттар бойынша қаладағы ауданның шығыстары көзделеді: 
      1) қаладағы аудан әкімі аппаратының жұмыс істеуі; 
      2) шаруашылық бойынша статистикалық есепке алуды жүзеге асыру; 
      3) мектепке дейінгі тәрбие және білім беру ұйымдарының қызметін қамтамасыз ету; 
      4) шұғыл жағдайларда ауыр науқас адамдарды дәрігерлік көмек көрсететін ең жақын денсаулық сақтау ұйымына жеткізуді ұйымдастыру; 
      5) мұқтаж азаматтарға үйде әлеуметтік көмек көрсету; 
      6) елді мекендердің санитариясын қамтамасыз ету; 
      7) жерлеу орындарын күтіп-ұстау және туған-туысы жоқтарды жерлеу; 
      8) елді мекендерде көшелерді жарықтандыру; 
      9) елді мекендерді абаттандыру және көгалдандыру.     

  56-бап. Аудан (облыстық маңызы бар қала) бюджетінің 
              шығыстары     

1. Аудан (облыстық  маңызы бар кала) бюджетінің шығыстары  мына бағыттар бойынша жүзеге  асырылады: 
      1) жалпы сипаттағы мемлекеттік функциялар: 
      аудандық (қалалық) деңгейдегі жергілікті өкілді және атқарушы органдардың жұмыс істеуі; 
      аудандық (қалалық) деңгейде мемлекеттік жоспарлау; 
      аудандық (қалалық) бюджеттің атқарылуын ұйымдастыру; 
      салық салу мақсатында мүлікке бағалау жүргізу; 
      аудандық (қалалық) деңгейдегі коммуналдық меншікті басқару; 
      2) қорғаныс, қоғамдық тәртіп, қауіпсіздік: 
      аудандық әскери басқару органдарын жабдықталған шақыру (жинау) пункттерімен, дәрі-дәрмекпен, құрал-сайманмен, медициналық және шаруашылық мүлікпен, автомобиль көлігімен, байланыс құралдарымен, медициналық және техникалық қызметкерлермен, қызмет көрсетуші персоналмен қамтамасыз ету бойынша әскери міндетті атқару шеңберіндегі іс-шаралар және медициналық комиссиялар құру; 
      жергілікті ауқымдағы төтенше жағдайлардың алдын алу және оларды жою; 
      елді мекендерде жол жүрісі қауіпсіздігін қамтамасыз ету; 
      аудандық (қалалық) ауқымдағы дала өрттерінің, сондай-ақ мемлекеттік өртке қарсы қызмет органдары құрылмаған елді мекендерде өрттердің алдын алу және оларды сөндіру жөніндегі іс-шараларды қамтамасыз ету; 
      3) білім беру: 
      мектепке дейінгі тәрбие және оқыту; 
      кешкі (ауысымдық) оқу нысанын және интернат үлгісіндегі ұйымдар арқылы ұсынылатын жалпы орта білім беруді қоса алғанда, бастауыш, негізгі орта және жалпы орта білім беру; 
      аудандық (қалалық) ауқымда мектеп олимпиадаларын өткізу; 
      мектепалды дайындық, бастауыш, негізгі орта және жалпы орта білімнің жалпы білім беретін оқу бағдарламаларын іске асыратын білім беру ұйымдарына оқулықтар мен оқу-әдістемелік кешендер сатып алу және жеткізу; 
      балалар үшін қосымша білім беру; 
      бастауыш, негізгі орта және жалпы орта білімнің жалпы білім беретін оқу бағдарламаларын іске асыратын мемлекеттік білім беру ұйымдарын (қылмыстық-атқару жүйесінің түзеу мекемелеріндегі білім беру ұйымдарын қоспағанда) материалдық-техникалық қамтамасыз ету; 
      жетім балаларды, ата-анасының қамқорлығынсыз қалған балаларды мемлекеттік қамтамасыз ету, оларды міндетті түрде жұмысқа орналастыру және тұрғын үймен қамтамасыз ету; 
      мектепке дейінгілерді қоспағанда, білім беру ұйымдарының оқушылары мен тәрбиеленушілеріне медициналық қызмет ету; 
      оқушылар мен тәрбиеленушілердің жекелеген санаттарын ақысыз және жеңілдікпен тамақтандыру; 
      4) әлеуметтік көмек және әлеуметтік қамсыздандыру: 
      тұрғын үй көмегі; 
      үйде тәрбиеленетін және оқитын мүгедек балаларды материалдық қамтамасыз ету; 
      он сегіз жасқа дейінгі балаларға тағайындалатын және төленетін ай сайынғы мемлекеттік жәрдемақы; 
      жеке оңалту бағдарламасына сәйкес мүгедектерді міндетті гигиеналық құралдармен қамтамасыз ету, жүріп-тұруы қиын бірінші топтағы мүгедектер үшін жеке көмекші, құлағы естімейтін мүгедектер үшін - ымдау тілінің мамандарын ұсыну; 
      мұқтаж азаматтарға үйде әлеуметтік көмек көрсету; 
      белгілі бір тұрғылықты жері жоқ адамдарды әлеуметтік бейімдеу; 
      халықтың жұмыспен қамтылуын қамтамасыз ету; 
      мемлекеттік атаулы әлеуметтік көмек; 
      жергілікті өкілді органдардың шешімдері бойынша мұқтаж азаматтардың жекелеген санаттарына әлеуметтік көмек; 
      5) тұрғын үй-коммуналдық шаруашылық: 
      ауданның (облыстық маңызы бар қаланың) коммуналдық меншігін қорғау жөніндегі шаралар; 
      ауданның (облыстық маңызы бар қаланың) мемлекеттік тұрғын үй қорының сақталуын ұйымдастыру; 
      тұрғын үй қорын түгендеу; 
      Қазақстан Республикасының заңнамалық актілеріне сәйкес азаматтардың жекелеген санаттарын тұрғын үймен қамтамасыз ету; 
      Қазақстан Республикасының заңдарына сәйкес мемлекеттік қажеттіліктер үшін алып қою, оның ішінде сатып алу жолымен жер учаскелерін алып қою және осыған байланысты жылжымайтын мүлікті иеліктен шығару; 
      Қазақстан Республикасының заңнамалық актілеріне сәйкес авариялық және ескі тұрғын үйлерді бұзу; 
      коммуналдық тұрғын үй қорының тұрғын үйлерін салу; 
      Қазақстан Республикасының заңнамалық актілеріне сәйкес, республиканың сейсмикалық қауіпті өңірлерінде орналасқан тұрғын үйлердің сейсмикалық беріктігін нығайтуға бағытталған іс-шаралар; 
      коммуналдық меншіктегі сумен жабдықтау объектілерін, тазарту, сорғыту жүйелерін, кәріз, жылу және электр желілерін құру және реконструкциялау; 
      елді мекендердің санитариясын қамтамасыз ету; 
      жерлеу орындарын күтіп-ұстау және туған-туысы жоқтарды жерлеу; 
      елді мекендерде көшелерді жарықтандыру; 
      елді мекендерді абаттандыру және көгалдандыру; 
      6) мәдениет және спорт: 
      жергілікті деңгейде мәдени-демалыс жұмысын қолдау; 
      аудандық (қалалық) кітапханалардың жұмыс істеуі; 
      хайуанаттар парктері мен дендропарктердің жұмыс істеуін қамтамасыз ету; 
      бұқаралық спортты және спорттың ұлттық түрлерін дамыту; 
      аудан (облыстық маңызы бар қала) деңгейінде спорттық жарыстарды өткізу; 
      облыстық спорттық жарыстарға әртүрлі спорт түрлері бойынша ауданның (облыстық маңызы бар қаланың) құрама командалары мүшелерінің дайындығы және қатысуы; 
      бұқаралық ақпарат құралдары арқылы жергілікті деңгейде мемлекеттік ақпарат саясатын жүргізу; 
      жергілікті деңгейде мемлекеттік тілді және Қазақстан халқының басқа да тілдерін дамыту; 
      аудандық (облыстық маңызы бар қала) деңгейде мемлекеттік жастар саясатын іске асыру шеңберінде іс-шаралар жүргізу; 
      7) ауыл шаруашылығы, жер қатынастары: 
      мал шаруашылығында мал көмінділерін (биотермиялық орларды) жасау, күтіп-ұстау; 
      ауру жануарларды санитарлық союды ұйымдастыру; 
      алынатын және жойылатын ауру малдардың, малдан алынған өнімдер мен шикізат құнын иелеріне өтеу; 
      аудандық (облыстық маңызы бар қала) деңгейде жер қатынастарын реттеу; 
      8) көлік және коммуникациялар: 
      аудандық (қалалық) маңызы бар автомобиль жолдарын, сондай-ақ оларда жол жүрісін реттеудің техникалық құралдарын салу, реконструкциялау, жөндеу және күтіп-ұстау; 
      кент ішіндегі (қала ішіндегі) және аудан ішіндегі қоғамдық жолаушылар тасымалын ұйымдастыру; 
      9) экономикалық қызметті реттеу: 
      кәсіпкерлік қызметті қолдау; 
      10) өзге де бағыттар: 
      облыстық бюджетке трансферттер; 
      жергілікті атқарушы органдардың борышына қызмет көрсету және оны өтеу. 
      2. Сол сияқты, аудан (облыстық маңызы бар қала) бюджетінен: 
      1) мемлекеттік қызмет көрсететін немесе осы баптың 1-тармағында аталған қызмет түрлерін орындайтын мемлекеттік мекемелердің күрделі шығыстарына, сондай-ақ аталған мемлекеттік мекемелердің кадрларды қайта даярлау және қызметкерлердің біліктілігін арттыру жөніндегі шығыстарға; 
      2) осы баптың 1-тармағында аталған бағыттар бойынша бюджеттік инвестициялық және концессиялық жобаларға; 
      3) Қазақстан Республикасының заңдарында көзделген өзге де көрсетілетін мемлекеттік қызметке және ауданның (облыстық маңызы бар қаланың) жергілікті мемлекеттік басқару органдары қызметінің бағыттарына арналған шығындар қаржыландырылады. 
      3. Осы бапта аталған бағыттар бойынша шығыстарды бюджеттің басқа деңгейлерінен қаржыландыруға жол берілмейді. 
      4. Аудан (облыстық маңызы бар қала) бюджетінен қаржыландырылатын жергілікті атқарушы органдардың шығыстары көрсетілетін мемлекеттік қызметтердің заттай нормалары мен стандарттары ескеріле отырып, Қазақстан Республикасының Үкіметі бекітетін штат санының лимиттері негізінде жоспарланады. 
      5. Аудан (облыстық маңызы бар қала) бюджетінің құрамында мынадай бағыттар бойынша қаладағы ауданның, аудандық маңызы бар қаланың, кенттің, ауылдың (селоның), ауылдық (селолық) округтің шығыстары көзделеді: 
      1) қаладағы ауданның, аудандық маңызы бар қаланың, кенттің, ауылдың (селоның), ауылдық (селолық) округтің әкімі аппаратының жұмыс істеуі; 
      2) шаруашылық бойынша есепке алуды жүзеге асыру; 
      3) азаматтық хал актілерін тіркеу жөніндегі қызметті қамтамасыз ету; 
      4) мектепке дейінгі тәрбие және оқыту, оның ішінде мектепке дейінгі тәрбие және оқыту мекемелерінде медициналық қызмет көрсетуді ұйымдастыру; 
      5) ауылдық (селолық) жерлерде оқушыларды жақын мектепке дейін тегін алып баруды және қайта алып келуді ұйымдастыру; 
      6) шұғыл жағдайларда науқасы ауыр адамдарды дәрігерлік көмек көрсететін ең жақын денсаулық сақтау ұйымына жеткізуді ұйымдастыру; 
      7) мұқтаж азаматтарға үйде әлеуметтік көмек көрсету; 
      8) аудандық маңызы бар қаланың, кенттің, ауылдың (селоның), ауылдық (селолық) округтің мемлекеттік тұрғын үй қорының сақталуын ұйымдастыру; 
      9) елді мекендердің санитариясын қамтамасыз ету; 
      10) жерлеу орындарын күтіп-ұстау және туған-туысы жоқтарды жерлеу; 
      11) елді мекендерде көшелерді жарықтандыру; 
      12) елді мекендерді абаттандыру және көгалдандыру; 
      13) жергілікті деңгейде мәдени-демалыс жұмысын қолдау; 
      14) аудандық маңызы бар қалаларда, кенттерде, ауылдарда (селоларда), ауылдық (селолық) округтерде автомобиль жолдарын салу, реконструкциялау, жөндеу және күтіп-ұстау; 
      15) елді мекендерді сумен жабдықтауды ұйымдастыру.