Банк рискларини камайтириш жараёнида Марказий банк томонидан ўрнатилган иқтисодий нормативларнинг ўрни ва роли

ОАТБ “Капиталбанк”  ушбу нормативга таҳлил қилинаётган  охирги беш давомида тўлиқ риоя этиб келган. Буни қўйидаги жадвалда банкнинг ҳар йили 31 декабр ҳолати маълумотлари асосида кўришимиз мумкин¹⁸:

(минг сўмда)         1-жадвал

Йиллар	31.12.2007й	31.12.2008й	31.12.2009й	31.12.2010й	31.12.2011й
Банк капитали минимал  миқдори	6 631 797	11 631 797	14 131 797	24 131 797	31 631 797

 

Тижорат банклари фаолиятига нисбатан қўлланилаётган иккинчи норматив банк капиталининг етарлилик даражаси ҳисобланади. Ушбу норматив банк жами капитали суммасини банк активларининг рискка тортилган сўммасига бўлиш йўли билан аниқланади ва унинг минимал миқдори 0,10 қилиб белгиланган.

Қўйидаги жадвалдан  кўриниб турибдики, ОАТБ “Капиталбанк” ушбу нормативга 2007й, 2008й, 2010 йиллар тўлиқ риоя этган ҳолда, 2009 й -0.014  ва 2011 йил -0.007 нормадан кам миқдорда бажарган.¹⁹:

(минг сўмда)         2-жадвал          

Йиллар	31.12.07й	31.12.08й	31.12.09й	31.12.10й	31.12.11й
Капитал етарлилик коэффициенти - Н1	0.116	0.114	0.086	0.114	0.093
Белгиланган норма (кўрсаткич бирликда)	Мин 0.10	Мин 0.10	Мин 0.10	Мин 0.10	Мин 0.10

 

1-график (кўрсаткич фоизда)

 

 

 

 

 

 

 

 

 

Республикамиз тижорат банкларига нисбатан қўлланилаётган иқтисодий норматив банк асосий капиталининг, яъни биринчи даражали банк капиталининг етарлилик коэффициенти деб аталади.

Қўйидаги жадвалдан  кўриниб турибдики, ОАТБ “Капиталбанк”  ушбу нормативга таҳлил қилинаётган йиллар давомида тўлиқ риоя этиб келган.²⁰:

 

 

(минг сўмда)         3жадвал

Йиллар	31.12.07й	31.12.08й	31.12.09й	31.12.10й	31.12.11й
Биринчи даражали банк капиталининг етарлилик коэффициенти - Н2	0.120	0.117	0.086	0.080	0.082
Белгиланган норма (кўрсаткич бирликда)	Мин 0.05	Мин 0.05	Мин 0.05	Мин 0.05	Мин 0.05

  

2-график (кўрсаткич фоизда)

 

 

 

 

 

 

 

 

 

Коэффициентнинг мазмуни шундан иборатки, ҳар бир  тижорат банкида асосий капиталнинг  жами капиталдаги улуши 50 фоиздан  кам бўлмаслиги лозим. Амалга оширилган таҳлил натижалари шуни кўрсатдики, республикамизнинг барча тижорат банкларида ушбу нормативга риоя этиш билан боғлиқ муаммолар мавжуд эмас. Бунинг асосий сабаби шундаки, биринчидан, банклар капиталининг асосий қисми устав капиталидан иборат, иккинчидан, банклар активларининг таркибида юқори рискли активларнинг улуши ривожланган хорижий давлатлар тижорат банкларидаги каби юқори эмас. Шу сабабли, банклар ушбу нормативни бажаришда қийинчиликлар сезишмайди.

Республикамиз тижорат банкларига нисбатан қўлланилаётган учинчи иқтисодий норматив Левераж коэффициенти ҳисобланади. У Биринчи даражали капитални номоддий активларни жами актив айириб ташланганига бўлиш орқали топилади.

Қўйидаги жадвалдан  кўриниб турибдики, ОАТБ “Капиталбанк”  ушбу нормативга таҳлил қилинаётган  йиллар давомида 2008 ва 2011 йиллар тўлиқ  риоя этиб келган. Лекин 2007, 2009, 2010 йиллар мос равишда ўрнатилаган нормадан -0.005, -0.01, -0.008 дан кам натижа кўрсатган:²¹

(минг сўмда)         4-жадвал

Йиллар	31.12.07й	31.12.08й	31.12.09й	31.12.10й	31.12.11й
Левераж - Н3	0.055	0.070	0.050	0.052	0.069
Белгиланган норма (кўрсаткич бирликда)	Мин 0.06	Мин 0.06	Мин 0.06	Мин 0.06	Мин 0.06

 

3-график (кўрсаткич фоизда)

 

 

 

 

 

 

 

 

 

Республикамиз тижорат банкларининг жорий фаолиятининг барқарорлигини тавсифловчи норматив жорий ликвидлилик коэффициенти ҳисобланади. Ушбу коэффициентнинг минимал даражаси 0,30 қилиб белгиланган.

Қўйидаги жадвалдан  кўриниб турибдики, ОАТБ “Капиталбанк”  ушбу нормативга таҳлил қилинаётган  йиллар давомида тўлиқ риоя этиб келган:²²

(минг сўмда)         5-жадвал

Йиллар	31.12.07й	31.12.08й	31.12.09й	31.12.10й	31.12.11й
Жорий ликвидлик коэффициенти - Н4	0.305	0.339	0.407	0.412	0.441
Белгиланган норма	Мин 0.30	Мин 0. 30	Мин 0. 30	Мин 0. 30	Мин 0. 30

 

Жорий ликвидлилик  коэффициенти (ЖЛК) қуйидаги тартибда ҳисобланади:

ЖЛКҚ = (ЛАҚЯҚҚ) / (ТДҚ ЯТТ)

Бунда:

ЛА - ликвидли активлар.

ЯҚҚ - яқин 30 кун  ичида қайтариладиган қуйилмалар.

ТД - трансакцион  депозитлар.

ЯТТ - яқин 30 кун  ичида тўланадиган тўловлар.

Жорий ликвидлилик  коэффициентининг даражасига кучли  ва бевосита таъсир кўрсатадиган омил трансакцион депозитлар миқдорининг ўзгариши ҳисобланади.

Ривожланган хорижий  давлатлар банк амалиётида, хусусан, Германия, Австрия, Япония давлатларининг банк амалиётида жорий ликвидлилик  коэффициенти қўлланилади. Лекин бу кўрсаткич уларнинг марказий банклари томонидан директив тарзда жорий қилинмаган, балки ҳар бир тижорат банкининг ўзи мустақил равишда белгилайди. Бунинг устига, ривожланган хорижий давлатлар банк амалиётида пул маблағлари кўринишидаги активларнинг жами активлар ҳажмидаги салмоғи кичик, трансакцион депозитларнинг банк депозит базасидаги салмоғи 48 - 50 фоизни ташкил этади. Шу сабабли, уларда жорий ликвидлилик коэффициентининг қўлланилиши Ўзбекистон тижорат банкларидаги каби кассали активларни йирик миқдорда тўпланиб қолишига олиб келмайди.

Мамлакатимиз тижорат банкларига нисбатан қўлланилаётган нормативлардан бири бир мижозга ёки мижозлар гуруҳига тўғри келадиган рискнинг максимал миқдори, таъминланган ссудалар деб аталади.

Қўйидаги жадвалдан  кўриниб турибдики, ОАТБ “Капиталбанк”  ушбу нормативга таҳлил қилинаётган йиллар давомида тўлиқ риоя этиб келган:²³

(минг сўмда)         6-жадвал

Йиллар	31.12.07й	31.12.08й	31.12.09й	31.12.10й	31.12.11й
Битта қарздорга ёки ўзаро алоқадор қарздорлар гуруҳига берилган таъминланган кредитлар учун рискнинг максимал миқдори - Н5	0.000	0.009	0.017	0.000	0.103
Белгиланган норма (кўрсаткич бирликда)	Мак 0.25	Мак 0.25	Мак 0.25	Мак 0.25	Мак 0.25

 

4-график (кўрсаткич фоизда)

 

 

 

 

 

 

 

 

Мазкур норматив биринчи даражали капиталга нисбатан ўрнатилган бўлиб, унинг бажарилиши банкнинг кредит портфелини диверсификация даражасини тавсифлайди. Унинг даражаси қанчалик кичик бўлса, кредит портфелининг диверсификация даражаси шунчалик юқори бўлади.

Республикамиз тижорат банклари фаолиятига нисбатан қўлланилаётган навбатдаги норматив бир мижозга ёки мижозлар гуруҳига тўғри келадиган рискнинг максимал миқдори, таъминланмаган ссудалар деб номланади.

Қўйидаги жадвалдан  кўриниб турибдики, ОАТБ “Капиталбанк”  ушбу нормативга таҳлил қилинаётган  йиллар давомида тўлиқ риоя этиб келган:²⁴

(минг сўмда)         7-жадвал

Йиллар	31.12.07й	31.12.08й	31.12.09й	31.12.10й	31.12.11й
Битта қарздорга ёки ўзаро алоқадор қарздорлар гуруҳига берилган таъминланмаган кредитлар учун рискнинг максимал миқдори - Н6	0.000	0.009	0.017	0.000	0.103
Белгиланган норма	Мак 0.05	Мак 0.05	Мак 0.05	Мак 0.05	Мак 0.05

 

Бу норматив ҳам биринчи даражали капиталга  нисбатан ўрнатилган бўлиб, унинг максимал даражаси 0,05 қилиб белгиланган. Мазкур нормативнинг бажарилиши банкнинг кредит рискидан сезиларли даражада ҳимояланиш имконини беради. Чунки мижозларнинг пул оқимига ташқи тақсирлар кучли тарзда таъсир этиб турган ҳозирги шароитда таъминланмаган ссудаларни битта мижозга ёки мижозлар гуруҳига йирик миқдорда берилиши банкни жиддий тарзда кредит рискига дучор қилиши мумкин.

Мамлакатимиз тижорат банкларига нисбатан белгиланган амалдаги  иқтисодий нормативлардан бири барча йирик кредитлар учун рискнинг максимал миқдори деб аталади. Мазкур норматив биринчи даражали капиталга нисбатан белгиланган бўлиб, унинг максамал миқдори 8,00 қилиб белгиланган.

Қўйидаги жадвалдан  кўриниб турибдики, ОАТБ “Капиталбанк”  ушбу нормативга таҳлил қилинаётган  йиллар давомида тўлиқ риоя этиб келган:²⁵

(минг сўмда)         8-жадвал 

Йиллар	31.12.07й	31.12.08й	31.12.09й	31.12.10й	31.12.11й
Барча йирик кредитлар  учун рискнинг максимал миқдори - Н7	0.000	0.013	0.004	0.102	0.173
Белгиланган норма	Мак 8.00	Мак 8.00	Мак 8.00	Мак 8.00	Мак 8.00

 

Яъни банк томонидан  берилган барча йирик кредитлар  миқдори биринчи даражали банк капитали сўммасидан 8 мартадан ошиб кетмаслиги лозим.

Йирик кредит деганда битта мижозга бериладиган, банк капиталининг 15 фоизидан ошадиган кредитга айтилади. Йирик кредитларга нисбатан ўрнатилган мазкур норматив халқаро андозалардан келиб чиққан ҳолда ўрнатилган. Масалан, Германияда ҳам йирик кредитларнинг умумий суммаси учун капиталга нисбатан 8 марталик лимит белгиланган.

Францияда битта  мижозга бериладиган кредитлар  суммаси банк акционерлик капиталининг 40 фоизидан ошмаслиги ва йирик кредитларнинг умумий суммаси банк капиталидан 8 мартадан ошиб кетмаслиги лозим.

Республикамиз банкларига нисбатан қўлланилаётган тўққизинчи иқтисодий норматив бир эмитентнинг қимматли қоғозларига қилинадиган инвестициянинг максимал миқдори ҳисобланади. Унинг максимал миқдори 0,15 қилиб белгиланган.