Медициналық сақтандыру

 

Денсаулық сақтау органдары  мен мекемелерiн медициналық сақтандыру жағдайында жұмыс iстеуге ұйымшылдықпен  және кезең-кезеңiмен өтуiн қамтамасыз ету мақсатында Қазақстан Республикасының Министрлер Кабинетi қаулы етедi:

      1. Қазақстан  Республикасының Денсаулық сақтау  министрлiгi әзiрлеген медициналық сақтандыруды енгiзудiң осыған қосылған бағдарламасы мақұлдансын.

      2. Қазақстан  Республикасының Денсаулық сақтау  министрлiгi:

      Қазақстан  Республикасының Экономика министрлiгiнiң, Қаржы министрлiгiнiң, Халықты әлеуметтiк қорғау министрлiгiнiң келiсуi бойынша республикада Медициналық сақтандыруды енгiзу бағдарламасын орындау жөнiндегi шаралардың жоспарын бiр ай мерзiмде әзiрлейтiн болсын;

      мүдделi министрлiктермен  және ведомстволармен бiрлесiп,  медициналық сақтандыру жағдайында  тиiстi мекемелердiң және азаматтардың  жұмысын реттейтiн құжаттарды, сондай-ақ  медициналық көмектiң медициналық-экономикалық стандарттарды және оған бақылау жасау өлшемдерiн әзiрлеп, бекiтсiн;

      Қазақстан  Республикасы Қаржы министрлiгiнiң келiсуi бойынша сақтандыру медицинасы шарттарының негiзiнде жұмыс iстейтiн мекемелердi қаржыландыру тәртiбiн әзiрлеп бекiтсiн.

      3. Облыс,  Алматы және Ленинск қалаларының  әкiмдерi, Қазақстан Республикасының  Денсаулық сақтау министрлiгi 1993 жылғы 15 желтоқсанға дейiн сақтандыру  медицинасы жағдайына кезең-кезеңiмен көшiрiлетiн аудандарды анықтап, оларда мiндеттi медициналық сақтандыру қорын құратын болсын.

      4. Мыналар  бекiтiлсiн:

      Мiндеттi медициналық сақтандыру кезiнде көрсетiлетiн медициналық жәрдемнiң кепiлдiктi мөлшерi туралы ереже (N 1 қосымша);

      Емдеу-профилактикалық  мекемелердi тiркеу туралы ереже (N 2 қосымша);

      Медициналық  сақтандыру мекемелерi туралы үлгi ереже (N3 қосымша);

      Жұмыс iстемейтiн азаматтарда мiндеттi медициналық сақтандыру үлгi шартының нысаны (N4 қосымша);

      Жұмыс iстейтiн азаматтарды мiндеттi медициналық сақтандыру үлгi шартының нысаны (N 5 қосымша);

      Азаматтарды  ерiктi медициналық сақтандыру үлгi шартының нысаны (N 6 қосымша);

      Азаматтарды  мiндеттi медициналық сақтандырудың сақтық полисiнiң нысаны (N 7 қосымша);

      Медициналық  сақтандыру полисiн жүргiзу жөнiндегi нұсқау (N 8 қосымша);

      Медициналық  сақтандыру бойынша емдеу-профилактикалық  көмек (медициналық қызмет) көрсетуге  арналған шарттың нысаны (N9 қосымша);

      Мiндеттi медициналық сақтандыру қоры туралы ереже (N10 қосымша);

      Әскери қызметте  жүрген адамдарға, сондай-ақ олардың  отбасы

 мүшелерiне медициналық  сақтандыру жүйесiнде медициналық  көмек көрсету туралы ереже  (N 11 қосымша);  Түрмеде жазасын  өтеп жүрген немесе қамауда  отырған адамдарға медициналық сақтандыру жүйесiнде медициналық көмек көрсету туралы ереже (N 12 қосымша); Азаматтарды медициналық сақтандыруға жарна төлеу тәртiбi  (N13 қосымша); Мiндеттi медициналық сақтандырудың картасының нысаны  (N 14 қосымша);  Қазақстан Республикасының Премьер-министрi Қазақстан Республикасы Министрлер Кабинетiнiң 1993 жылғы 23 қарашадағы N 1174 қаулысымен  мақұлданған  Медициналық сақтандыруды енгiзу бағдарламасы  1. Негiзгi мақсаттары мен жетекшi бағыттары  

 

      Әлеуметтiк-экономикалық  түбегейлi өзгерiстер, нарықтық қатынастардың  интенсивтi дамуы республика халық  шаруашылығының бүкiл инфрақұрылымын  қамтып, әлеуметтiк аса маңызды  салалардың бiрi - денсаулық сақтау iсiнiң жайына да әсер етерi даусыз.

      Қазiргi уақытта республика халқының денсаулық жағдайы алаң туғызып отыр; демографиялық көрсеткiштер нашарлап, бала тууы мен адам өмiрiнiң орташа ұзақтығы азаюда, халықтың табиғи өсу қарқыны бәсең, негiзiнен қатерлi iсiк, жүрек қан тамыры, нерв-жүйке, тыныс жолдары мен асқазан ауруларының көбеюi есебiнен балалар мен ересектер арасында науқастану соңғы жылдары 1,5 есе өстi.

      Дүниеге  келген 1000 нәрестенiң 147-сi ауру болып туады. Сәбилердiң ауру болып тууының жалпы саны бiр жылда 47 мыңнан асып отыр.

      Нәрестелердiң өлiмi азайғанмен, бұрынғысынша жоғары күйде қалып отыр.

      Республикада  аналар өлiмi көбейiп отыр. Ересек адамдардың денсаулық ахуалы нашарлай түсуде, мұның өзi өмiрiнде алғаш рет сырқаттанушылардың тiркелуiнен көрiнiп отыр. Республика аймақтары бойынша ересектердiң науқастануы 12-24 процентке көбейдi. Жасөспiрiмдер арасында (11 процентке дейiн) науқастардың көбейiп отырғаны байқалуда. Жүйкенiң бұзылуы, қатерлi iсiк аурулары өсiп келедi. Тұрмыс жағдайының нашарлауына байланысты туберкулезге қарсы күрес мәселесi қиындауда.

      Республикада  бауырдың гепатит ауруы бұрынғыдай  жоғары, тырысқақтың да эпидемиология жайы күрделi болып қалуда, сарыппен (бруцеллез) ауыратындар саны 1,5 есе өстi, аурухана iшiнде жұқпалы аурулардың шығуы белең алуда. Күл (дифтерия) ауруымен ауыратындар 1,5 есе көбейдi, сал (полиомиелит) ауруының мәселесi күн тәртiбiнен түскен жоқ және бұл дерт жөнiндегi болжам да көңiл көншiтпейдi.

      Оның бергi жағында денсаулық сақтау бюджетiнiң жайы да республика халқына көрсетiлетiн медициналық жәрдемнiң сапалық көлемiн толық қамтамасыз етуге мүмкiндiк бермейдi. Денсаулық сақтаудағы дағдарыстық жағдай денсаулық сақтауды коммерциялаудың басқаруға бой бермей етек алуынан асқына түсуде.

      Қалыптасқан  жағдайда саланы реформалауды  және оны ұйымдастыру, басқару  мен қаржыландырудың жаңа принциптерiмен үйлестiргенде ғана денсаулық сақтау мекемелерiнiң тұрақты жұмыс iстеуiне және халықтың барлық жiктерiнiң медициналық жәрдем алуына қол жеткiзуге болады.

      Медициналық  сақтандыру бағдарламасы республикадағы  нақты экономикалық және әлеуметтiк  жағдайды кешендi тұрғыда бағалауға негiзделiп, медициналық сақтандыру туралы Қазақстан Республикасының заң актiлерiнiң негiзгi қағидаларын ескере отырып жасалған.

 

 

                БАҒДАРЛАМАНЫҢ НЫСАНАЛЫ ҰСТАНЫМЫ 

      Бюджеттiк  ресурстарды ұтымды пайдаланып  және бюджеттен тыс ресурстарды тарту негiзiнде республика халқына медициналық жәрдем көрсетудiң кепiлдiк көлемiн сақтау, саланы басқарудың медициналық-экономикалық негiздерiн жасау.

      Қәзiргiсiн  кезең-кезеңмен реформалау және медициналық құрылымда шаруашылық жүргiзумен оны ұйымдастырудың жаңа нысандарын енгiзу.

      Бюджет қаражатынан  және мiндеттi медициналық сақтандыру қорынан қаржыландыратын түрлерi мен көлемдерiн белгiлей отырып, халықтың барлық жiктерiн медициналық көмекпен кепiлдi қамтамасыз ету басты бағыт болып табылады.

      Бағдарламаның  екiншi бағыты ерiктi медициналық сақтандыру жүйесi мен медициналық коммерциялық құрылымдардың даму жолдарын айқындайды.

Схема

 

 

 

              III. БАҒДАРЛАМАНЫҢ ОРЫНДАЛУ ШАРТТАРЫ 

1-қосымша бағдарлама Халықты  медициналық қамтудың мемлекеттiк түрлерi (Халықты медициналық қамтудың кепiлдiгi) 

 

 Бюджеттiк медицина  Мақсаты - халықтың барлық топтарын мына мекемелерде: - терi-венерологиялық, психиатриялық ауруханаларда, емдеу-алдын алу мекемелерiнiң құрамындағы кабинеттерде; - наркологиялық ауруханаларда, диспансерлерде, емдеу-алдын алу мекемелерiнiң құрамындағы кабинеттерде; _ мүгедектердiң барлық санаттарына арналған госпитальдарында; - жоспарлы және шұғыл кеңес көмегiн беру бөлiмшелерiнде  медициналық көмекпен қамтиды. Бюджет қаражаты мыналарға: - кенеттен сырқаттанған және науқас адамның өмiрiне қатер төнген жағдайда; - қайғылы оқиға мен жарақаттанған; - уланған және өзiн-өзi өлтiруге әрекеттенген, босанған; 

 

      - аса ауыр  ауытқушылық, хирургиялық және жұқпалы аурулармен сырқаттанған кезде жедел және шұғыл медициналық жәрдем берудi қаржыландыруға;

      онкологиялық диспансерлердiң, туберкулез ауруханаларының, диспансерлердiң, бөлiмшелердiң, бруцеллез бөлiмшелерiнiң, лепрозорийлердiң, трахоматоз диспансерлерiнiң, СПИД-пен күрес жөнiндегi орталықтардың, балалар үйлерiнiң, балалар санаторийлерiнiң, ересектердiң туберкулез санаторийлерiнiң, сүт үлестiру үйлерiнiң, медстатистика бюроларының, сот-медицина және патология-анатомиялық сараптау бюроларын, қан құю стансаларын (бөлiмшелерiнiң, кабинеттерiнiң), арнаулы медициналық жабдықтау базалары мен қоймаларының қызметiн қаржыландыруға;

      Қазақстан  Республикасының Денсаулық сақтау  министрлiгi бекiткен тiзбе бойынша кардиохирургиялық операциялар мен дене мүшелерiн және тканьдердi алмастыру жөнiндегi операциялар төлем жасауға;

      жаппай аурулар  болған кезде, зiлзала, апатқа ұшыраған аймақтарға және денсаулығын сақтау саласындағы басқа да мақсаттарға медициналық жәрдем көрсетуге;

      жұмыс iстемейтiн,  еңбекке жарамсыз адамдарды және  бюджеттiк мекемелердiң қызметкерлерiн  мiндеттi медициналық сақтандыруды  қаржыландыруға жұмсалады.

      Басқару  деңгейi - республикалық, облыстық, қалалық.

      Қаржыландыру  көздерi - республикалық және жергiлiктi бюджеттер.

      Жүзеге асыру мерзiмi - 1994 жылдан бастап.

 

      Мiндеттi медициналық сақтандыру

      Мақсаты  - мiндеттi медициналық сақтандырудың  базалық бағдарламасына сәйкес  республика халқын кепiлдi бастапқы  медициналық-санитарлық, емдеу-диагностикалық және алдын-алу медициналық жәрдемiмен қамтамасыз ету.

      Әлеуметтiк объектiлердi - жұмыс берушiлердiң қаражаты есебiнен - республика халқының жұмыс iстейтiндерi, бюджеттен қажеттi қаражатты жұмсау есебiнен - республика халқының жұмыс iстемейтiн және еңбекке жарамсыздары мен бюджеттiк мекемелерде жұмыс iстейтiндерi.

 

      Басқару  деңгейi - республикалық, облыстық, қалалық.

      Қаржыландыру  көздерi - республикалық және жергiлiктi бюджеттер, жұмыс берушiнiң қаражаты.

 

       Халықтың  денсаулығын сақтауды қамтамасыз  етушi министрлiктермен және ведомстволармен  өзара iс-қимыл жүйесi

 

      Мақсаты  - денсаулық сақтауды тұтас алғанда  да, сондай-ақ -

- емдеу-диагностикалық процесiн  ұйымдастыруды тiкелей жүзеге  асыратын да, түрлi министрлiктермен  және ведомстволармен бiрлескен  үйлесiмдi iс-қимыл есебiнен халықты медициналық-әлеуметтiк қорғаудың тиiмдiлiгiн арттыру. Басқару деңгейi - республикалық, облыстық, қалалық. Қаржыландыру көздерi - республикалық және жергiлiктi бюджеттер, аумақтық әкiмшiлiктердiң бюджеттен тыс қаражаты.  Жүзеге асыру мерзiмi - 1994 жылдан бастап.  2-қосымша бағдарлама  Медициналық қызмет көрсетудiң мемлекеттiк емес түрлерi  Ерiктi медициналық сақтандыру  Мақсаты - ерiктi медициналық сақтандыруды енгiзуге және  медициналық қызмет көрсету нарқын құруға жәрдемдесу жолымен халықты медициналық қызмет көрсетумен және мамандандырылған-медициналық  көмектiң белгiлi түрлерiмен қосымша қамтамасыз ету. Әлеуметтiк субъектiлер - халықтың әр жастағылары мен әлеуметтiк топтары. Қаржыландыру көздерi - ерiктi медициналық сақтандыру қорлары. Басқару деңгейi - облыстық, қалалық, аудандық. Жүзеге асыру мерзiмi - 1993 жылдан бастап.  Коммерциялық қызмет және жеке медициналық практика  

 

      Мақсаты  - денсаулық сақтау iсiнiң мемлекеттiк  емес құрылымдарын ұйымдастыру,  халықты медициналық көмектiң  ықшам мамандандырылған әрi дәстүрде жоқ түрлерiмен қамтамасыз ету үшiн бұл құрылымдардың қызметiн реттеу тетiктерiн жасау, медициналық қызмет көрсетудiң, жаңа жұмыс орындарының нарқын құру.

      Әлеуметтiк субъектiлер - халықтың барлық жастағылары мен әлеуметтiк топтары.

      Жүзеге асыру мерзiмi - 1994 жылдан бастап.

 

                       IV. ҚОРЫТЫНДЫ 

 

      Республиканың  медициналық сақтандыру бағдарламасы  орташа қауыртты болып табылады  және Қазақстандағы экономикалық  реформалардың ең қиын өтпелi кезеңiне шақталған.

      Қазақстан  Республикасының Үкiметi республика  азаматтары алдындағы Қазақстан  Республикасының Конституциясында  көзделген денсаулық қорғау саласындағы  өзiнiң әлеуметтiк мiндеттемелерiн  толық орындайды, халықтың барлық  топтарына медициналық көмек  көрсетудiң қол жеткен деңгейi мен сапасын сақтауға кепiлдiк бередi. Бұл ретте үкiмет қабылдаған медициналық-әлеуметтiк бағдарламаларды орындау үшiн бюджеттiк қаражат бөлудi, ал медициналық мекемелер осы бағдарламаға сәйкес медициналық көмек көрсетудiң толық көлемiнде және сапалы болуын көздейдi. Сөйтiп, денсаулық сақтаудың қазiргi жүйесiнiң күйзелiске ұшырауына жол берiлмейдi.

      Экстремальды  медицина, шұғыл медициналық көмек,  жұқпалы және бiрқатар басқа аурулар жөнiндегi бағдарламаларды бюджеттен қаржыландыру сақталады. Сондай-ақ мiндеттi медициналық сақтандырудың базалық бағдарламасының шеңберiнде еңбекке жарамсыз, жұмыс iстемейтiн адамдарға және бюджеттегi мекемелердiң қызметкерлерiне медициналық жәрдем көрсету бюджет есебiнен болып қала бередi. Жұмыс iстейтiн азаматтарға медициналық көмек беру iсi жұмыс берушiлердiң сақтандыру төлемдерi есебiнен қалыптасатын мiндеттi медициналық сақтандыру қорлары қаражатынан қаржыландырылатын болады. Дами бастаған ерiктi медициналық сақтандыру жүйесi қосымша медициналық қызмет көрсетудi ұйымдастыру iсiн өз мойнына алады.

      Бюджеттiк-сақтандыру  медицинасы медициналық қызмет  көрсету нарқын ұйымдастырудың  бәсекелестiк принциптерiн iске  асыруға мүмкiндiк туғызады, олай болмайынша қызмет көрсету сапасын арттыру мүмкiн емес.

Қазақстан Республикасы

  Министрлер Кабинетiнiң 1993 жылғы 23 қарашадағы N 1174 қаулысына N 1 қосымша 

 

 

 

              Мiндеттi медициналық сақтандыру кезiнде

                көрсетiлетiн медициналық жәрдемнiң

                    кепiлдiктi мөлшерi туралы

 

                          Е Р Е Ж Е

 

      Медициналық  қызмет кепiлдiктi мөлшерiнiң шегiнде мiндеттi медициналық сақтандырудың шартына сәйкес, медициналық мекеме мен емдеушi дәрiгердi азаматтардың қалап алуы құқығын қамтамасыз ете отырып, Қазақстан Республикасының аумағында iске асырылады.

      Медициналық  жәрдемнiң кепiлдiктi мөлшерiне халықтың медициналық көмекке ден қоюы арқасында жүзеге асырылған профилактикалық, емдiк-диагностикалық, қайтадан қалыптандыру шаралары енедi.

      Кепiлдiк көлемiн қаржыландыру мiндеттi медициналық сақтандыру қорынан жүзеге асырылады.

      Осы Ереженiң негiзiнде облыстарда, қалаларда медициналық қызметтiң деңгейi осы Ережеде анықталған дәрежеден бiрде-бiр кем емес мiндеттi медициналық сақтандырудың аумақтық бағдарламасы дайындалады және бекiтiледi.