Сорап компрессорлық құбырлары және оның мұнай-газ кәсіпшілігіндегі маңызы

 

 

 

 

 

                                       

 

                                          Жоспар

 

   Кіріспе

1.Сорап компрессорлық құбырлары және оның мұнай-газ кәсіпшілігіндегі маңызы

2.Сорап компрессорлық құбырларын коррозияға ұшыратушы факторлар

3.Сорап компрессорлық құбырларының коррозияға ұшырауының негізгі себебтері

Қолданылған әдебиеттер тізімі

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Кіріспе

 

Қазақстан Республикасының мұнай-газ жабдықтарын коррозиядан қорғау мәселесі қазіргі таңда мұнай-газ өнеркәсібіндегі ең өзекті мәселелердің бірі болып табылады. Мұнай мен газ адамзат қоғамының энергия көздерінің ең негізгісіне  айналды, әрі ең маңызды химиялық шикізат болып табылады. Мемлекетті мұнай - газ шикізаттарымен қамтамасыз ету елдің экономикалық дамуын айқындайды және технологиялық прогресті белгілейді. Мұнай-газ өндіру саласының ерекшелігі айтарлықтай жоғары, ілгері қарқынды, сапа жағынан алдыңғы қатарлы, әрі мұнай өнімдері жыл сайын өндірілуде. Қазіргі мұнай өндіру саласы техниканың ең соңғы үлгілерімен жабдықталған, автоматтандырылған, ондаған күрделі технологиялық процестерді жүзеге асыра алатындай жағдайда екені белгілі. Оларды жүзеге асыру үшін пайдаланылып жүрген саны, күрделілігі, әртүрлілігі жағынан машиналар мен жабдықтар қазіргі өнеркәсіп салаларында алдыңғы қатарлы орындарды иеленеді. Толассыз даму үстіндегі мұнай-газ өндіруге арналған машиналар мен жабдықтардың саны жаңа мұнай-газ өндірісінің жаңа саласының қалыптасуына әкеліп соқтырды. Мұнай-газ саласының дамуымен қатар бір мезгілде машина құрастыру салалары да даму үстінде. Осымен қатар ғылым да даму бағытында. «Мұнай кәсіпшілігінің жабдықтары» курсы мұнай-газ өндірудің әртүрлі тәсілдерін, жөндеу жұмыстарының түрлерін, мұнай мен газды тасымалдау әдістерін, газ бен мұнайға арналған құбырларды, сонымен қатар осы салаларда қолданылатын машиналар мен жабдықтарды  зерттейді. 
Металдардың коррозияға ұшырау мәселесі ежелден, яғни адамның металдан қару-жарақ дайындау, кейіннен әр-түрлі жабдықтарды жасау барысында пайда болды. Металдардың коррозияға ұшырау мәселесінің мәні ғылыми-техникалық ілгерлеу ғасырында ұлғая түсті, техникалық құрал жасауға қолданылатын металл және пайданы үлкейту, сонымен қатар жаңа технологияларды дамыту, мұнай және газ өнімдерінің табысын ұлғайту және мұнайды өңдеу мен тасымалдау. Мұнай кәсіпшілігі құрылғыларының коррозияға ұшырау себептері сан алуан. Мұнай орындарын дамыту жерасты құрылғыларын қолдану нәтижесінде және агрессивті ортада, мұндағы күкіртті сутегі, көмірқышқыл газы, органикалық қышқылдар, ерітілген минералды тұзы бар қабатты сулар, мұнай құрамындағы механикалық қоспалар т.б. олар коррозия үрдісіне әкеп соғады. Құрылғылардың коррозияға ұшырауына себеп болатын агрессивтік компонеттерден басқа, жоғары температура және қысым әсер етеді, олар коррозия үрдісін тездетеді. Жерасты металл құрылғылары өте қымбатқа түседі, негізінде олардың жұмыс атқару мерзімі коррозиялық құнымен анықталады. Қазіргі таңда мұнай-газ кәсіпорындарында барлық белгілі металл коррозиясына қарсы амалдар қолданыс тапты, мысалы, электрохимиялық қорғаныс тәсілі және өндірістік құрылғыларды ішкі коррозиядан сақтайтын ингибирлеу тәсілі.

 

1.Сорап компрессорлық құбырлары және оның мұнай-газ кәсіпшілігіндегі маңызы

 

Сорапты компрессорлы құбырлардан тізбек құрылып (1-кесте), ұңғыма бойымен түсіріледі. СКҚ-ды қолдану мақсаттары мынадай: қабаттан алынған сұйықты, сұйық пен газ қоспасын немесе газды жер бетіне көтеру; ұңғы түбіне сұйық немесе газды айдау үшін (технологиялық процестерді орындау үшін, өнімділікті арттыру немесе жөндеу жұмыстарын жүргізу үшін); ұңғы ішіндегі қондырғыларды ілу үшін; ұңғы ішінде жөндеу және бұрғылау жұмыстарын жүргізу. СКҚ-ң шартты белгілену үлгілері: Төзімділік дәрежесі Е, шартты диаметрі 60мм, қабырға қалыңдығы 5мм құбырлар үшін: 60х5-Е МЕмСТ 633-80 – тегіс құбырлар үшін;  В-60х5 МЕмСТ 633-80 – шеттері сыртқа шығарылған құбырлар үшін; МСК (муфталы сорапты компрессорлы)-60х5 МЕмСТ 633-80 – жоғары герметизацияланған құбырлар; МзСК*(*муфтасыз сорапты компрессорлы)-60х5 МЕмСТ 633-80 – жоғары герметизацияланған муфтасыз құбырлар. СКҚ-лар МЕмСТ 633 бойынша жасалады. Ол бойынша тегіс құбырлар және оларға арналған муфталар, шеттері сыртқа шығарылған құбырлар және оларға қажетті муфталар, тегіс жоғары герметизацияланған құбырлар мен оларға арналған муфталар және муфтасы жоқ шеттері сыртқа шығарылған құбырлар жасалынады. Тегіс құбырларды жасау жеңіл, бірақ олардың шет жақтарына жасалған бұранданың есебінен шет жақтарының төзімділігі әлсірейді. Ал бұрандасы сыртында орналасқан құбырлардың бойы мен шет жақтарының төзімділігі жоғары болады. Оны төзімділігі біркелкі құбырлар деп атайды. Оларға жасалған муфтаның диаметрі құбырдың диаметрінен үлкен болады (1.2-кесте). Құбырлар  төзімділік тобы мынадай болаттардан жасалады: Д, К, Е, Л, М, Р. Сонымен қатар, СКҚ Д16Т маркалы алюминді қорытпасынан жасалынуы мүмкін. Бұл қорытпаның ағу шегінің мөлшері 300 МПа, ал төзімділік шегі 110 МПА-ға дейін болады. Қорытпаның салыстырмалы тығыздығы 2,72-ге тең. Алюмин қорытпасынан жасалған құбырлардың салмағы болаттан жасалған құбырлардың салмағынан кіші, бірақ төзімділігі де төмендейді (Д-болаттан 1.25 есе кіші, К үшін –1.67, Е үшін –1.85есе). Сонымен қатар, алюминнен жасалған құбырларды терең түсіруге  болады. Д16Т құбырларының сонымен қатар, күкіртсутегілік (H2S) ортада коррозияға төзімділігі жоғары болады, егер оны қалың қабатты анодпен қаптаса, оның коррозияға төзімділігі одан да артады. Газдың қысымы 50 МПа (500 кгс/см2) дейінгі ортада МСҚ тегіс құбырлары муфталы байланысының көмегімен герметизацияланады. Байланысу аймағының төзімділігі құбыр бойының төзімділігінің 85-90%-ын құрайды, ал ол МЕмСТ 633 тегіс құбырларының мәнімен салыстырғанда  25-35%-ға үлкен болады. Конусты нығыздаушы беттерінің құрылымы және бұранданың профилі МзСҚ1 байланысындағы қолданатын құбырларға ұқсас. Байланысты одан әрі бекіткенде құбырлардың ішіндегі қапталдары түйісуге түседі. Қазіргі уақытта, шетел елдерінің СКҚ-ры жиі қолданыс табады. Бұл құбырлар API, SPEC стандарттары бойынша жасалған. Бұл СКҚ-ларының сыртқы диаметрі 26,7 және 114,3 мм аралығында және олардың шет жақтары сыртқа шығарылмаған  немесе құбырлардың муфтасының кеңейтілген құбыршығы бар.  Герметизацияны жоғарылату үшін қосымша  нығыздаушы беттерді және  тефлоннан жасалған нығыздаушы сақиналарды қолданады. Коррозиядан сақтау үшін кейбір фирмалар құбыр ішін пластмассамен қаптайды. СКҚ келесі төзімділікті болаттардан да жасалынады: Н-40, J-55 (МЕмСТ 633 бойынша Д-ға сәйкес келеді) және N-80 API бойынша (5В спецификациясы), 5ВН API спецификациясы бойынша төзімділігі Р-105  болаттардан,  5ВС API спецификациясы бойынша H2S ортасы үшін С-75 төзімділікті (К, Е беріктік тобы) болаттан жасалады. Төзімділік тобы Н-40, J-55, N-80(E) және Р-105 (М) болаттардың химиялық құрамы стандарттарда көрсетілмейді Материалдың механикалық сипаттамасы (СКҚ үшін АР1 Spec 5 B, 5 ВС, 5ВХАРI Spec 5В, 5ВС, 5ВХ бойынша) Соңғы жылдары үзіліссіз орамды, иілгіш және муфтасыз тегіс құбырлар (ұзындығы 2500 м, кей жағдайларда 5500 м) жиі қолданыс тауып жүр. Бұл құбырлар толық ұзындығымен өндіріліп шығарылады (немесе бөлек бухтамен 600-650 м-ден,  бір-бірімен дәнекерленіп байланысқан), олардың бұрандасы болмайды және бухтаға оралынып, үлкен автомашинаға орнатылған арнайы агрегат арқылы ұңғының оқпаны бойымен түсіріледі. Агрегаттың тарту қондырғысында СКҚ үйкеліс күшінің әсерінен ілініп тұрады. Мұндай құбырлар тізбегімен құм тығындарын жою үшін сұйық айдауға, жөндеу және пайдалану жұмыстары үшін қондырғыларды ұңғыға түсіру жұмыстарын жүргізуге болады. Үзіліссіз тегіс құбырларды  қолдану арқылы түсіру-көтеру  жұмыстарының уақыты азаяды, бұрандаларды бұрау-ажырату жұмыстары жойылады. Аталған құбырлардың кемшілігі ретінде түсіріп-көтеру жұмыстарын жүргізу үшін қолданатын  қондырғылардың  үлкен болуын атап өтуге болады, себебі барабандағы құбырлардың  бүгілу радиусының үлкен болғаны жөн, сонда құбырлардың қалдық дифформациясы мейлінше азаяды. Бірақ          В.Н.Ивановскийдің жүргізген жұмыстарына негізделетін болсақ, құбырлардың пластикалық дифформациясы оның жұмысына ешқандай әсер етпейді. Сондықтан да агрегат барабанының радиусын 2-1,8 м етіп жасауға болады. Қалған технологиялық кемшіліктер құбырларды қолдану барысында жойылады. Мұнай кәсіпшілігінде, сонымен қатар  ішкі жағы шынымен қапталған, эпоксидті смола жағылған СКҚ жиі қолданады. Бұлардың ішінде ең аз қолданылатыны – эмальмен қапталған құбырлар, себебі олар қымбатқа түседі. Мұндай әдіс құбыр беттерін парафиннен және коррозиядан қорғау үшін қолданылады. Сонымен қатар, олар ағынның гидравликалық кедергісін 20-30%-ға азайтады. Шынымен қапталған бет жоғары температурада қолдануға тиімді болады және құбырлардың дефформациясы төзімді болып келеді. Әдетте, шыны бетке парафин жұқпайды. Бірақ шынымен қапталған беттің де кемшіліктері болады. Олардың негізгісі – құбырдың бетін шынымен қаптаған кезде микрожарылымдарының пайда болуы. Сондықтан бұл жарылымдарда коррозия басталып, парафин жинала бастайды. Қазіргі уақытта бұл жарықшақтарды жою үшін жаңа технология қолданылады. Екінші кемшілік – құбырдың дефформациясы кезінде  шынының жарылып кетуі. Бұған  металл (0,21*106 МПа) және шынының (0,057*106 МПа) серпімділік модульдарының айырмашылығы себеп болады. Сонда құбырлардың металының деформациясы кезінде шынының жұқа қабатына өте үлкен күштер түсіп, оның бүтінділігі бұзылады. Мұндай жағдай құбырларды  терең ұңғыларға түсіру және оны тасымалдау кезінде  болады.  

 

       1-кесте. СКҚ сипатталуы

Болаттың  беріктік тобы	H-40	J-55	N-80	P-105
Термиялык ондеу түрі		-	орташа	жибереу жане орташа
Көміртектің құрамы, %	0,27... 0,37	0,37... 0,47	0,38... 0,48	0,37...0,45
Марганец құрамы, %	0,70... 1,00	0,80... 1,00	1,40... 1,70	0,60... 0,80
Басқа компоненттер, %	-	-	Mo-0,15	Cr-0,80 Ni-1,30 Mo-0,25 Mo-0,15 V-0,08 Mo-0,15 Cr-0,9

 

 

2.Сорап компрессорлық  құбырларын коррозияға ұшыратушы  факторлар

 

Сорап компрессорлық құбырларын коррозияға ұшыратушы факторлар:

1.Антропагендік фактор;

  2.Географиялық аймақ;

3.Мұнай-газдың қүрамы (яғни  химиялық құрамы) болып табылады.

Антропагендік фактор – адамның құбырларды жасауынан бастап, пайдалануының соңғы сатысына дейіңгі әсер етуі.

Географиялық аймақ – құбырлардың әр мекеннің табиғатының әртүрлілігіне байланысты пайдалану ережесі әртүрлілігіне байланысты болуы.

Мұнай-газдың құрамы – сорап компрессорлық құбырлары арқылы жер бетіне мұнай-газ ресурстарын көтеріп шығаруына байланысты сол мұнай-газ құрамының СКҚ-ға тікелей әсері. 

Осылардың ішінде СКҚ-ын коррозияға ұшыратушы негізгі фактор мұнайдың элементтік құрамы мен гетероатомдық компоненттері болғандықтан мұнай құрамында – көмірсутектермен қатар тағы басқа заттар да бар. Мырышы бар - H2S, меркаптандар, моно- және дисульфидтер, тиофендер мен тиофандар полициклдіктермен бірге т.б. (70-90% қалдық өнімдердешоғырланады); азотты заттарнегізінен пиридин, хинолин, индол, карбазол, пиррол және порфириндер (үлкен бөлігі ауыр фракциялар мен қалдықтарда шоғырланады) гомологтары; қышқылды заттар – нафтен қышқылы, фенолдар, смолалы-асфальтты т.б. заттар (әдетте жоғары қайнайтын фракциларында кездесетін). Элементтік құрамы (%): С – 82-87, Н – 11-14.5, S – 0.01-6 (сирек – 8-ге дейін), N - 0,001—1,8, O — 0,005—0,35 (сирек – 1.2-ге дейін) және т.б. Барлығы мұнай құрамында 50-ден аса элементтер табылған. Мысалы, жоғарыдағылармен қоса V(10-5 — 10-2%), Ni(10-4-10-3%), Cl (іздерінен бастап 2•10-2%-ға дейін) т.с.с. Әр зат әр кен орнында әр мөлшерде кездесетіндіктен орташа химиялық қасиетттер жайлы тек шартты түрде ған аайтуға болады.

Мұнай өнімдері құбырлар қабырғаларына үйкелген кезде туындайтын электрлік зарядттарды аккумуляциялауға (жинақтау) қабілетіне ие. Кейбір шарттарда электрлік зарядтар ұшқындар тудырып және мұнай өнімдерінің балқуына алып келуі мүмкін, және ол өз кезегінде өрттерге және жарылыстарға алып келеді. Статикалық электр зарядының жинақталуымен күресудің сенімді тәсілі болып аппаратуралардың, сораптардың, құбырлар-дың және т.б. барлық жерлерін жермен байланыстыру есептеледі.

Мұнайдағы оттегі келесі функционалды топтар және қосылыстар түрінде кездеседі: карбонил тобы (негізінен кетондар), жай эфирлер, күрделі эфирлер, фенолдар, спирттер, қышқылдар, шайырлы-асфальтенді заттар. Оттегінің басым мөлшері мұнайда фенолдарда (әсіресе шайырлы мұнайларда), нафтенді және алифатты қышқылдарда болады. Алифатты қышқылдар мұнайларда қалыпты және изомерлі құрылымда кездессе, ал нафтенді қышқылдар нафтенді көмірсу-тектер – циклопентан мен циклогексан туындылары болып табылады. Парафинді мұнайларда алифатты қышқылдар, ал нафтендіде – нафтенді қышқылдар басым болады. Нафтенді қышқылдарды мұнайдан шығарып тастауға тырысады, себебі, олар металдармен тұзадр түзеді де, аппарат пен құбырлардың бұзылуына апарып соғады. Сонымен қатар, сілтілік металдардың нафтенаттары – бұл мұнай деэмульгаторлары және оларды оны сусыздандыру үшін қолданады. 3) Құрамында күкірті бар қосылыстар. Мұнайдағы күкіртті қосылыстар мөлшері кең ауқымды – ізінен бастап 7% мас. дейінгі аралықта кездеседі. Мұнайда табылған 200 астам әртүрлі күкіртті қосылыстарды атауға болады. Негізінен мұнайда күкірт келесі түрде кездеседі: элементтік күкірт, күкіртсутек, меркаптандар, сульфидтер (тиоэфирлер) мен дисульфидтер (дитиоэфирлер), циклді қосылыстар мен олардың гомологтары. Күкірт қарапайым зат және күкіртсутек түрінде мұнайда еріген күйде болады. Мер-каптанды күкірт мөлшері жалпы мөлшерінің 7% мас.дейін жетеді. Меркаптандар бензинді фракцияларда да көп шоғырланған. Сульфидтер бензинді және лигроин-керосинді фракцияларда көп тараған, олар барлық күкіртті қосылыстар жиынтығының 50-ден 80% мас. дейінді құрайды, ал дисульфидтер – керосин-газойлді фракцияларда болады. Оның үлесіне жалпы күкірттің 15% мас. дейін тиеді. Циклді қосылыстар – тиацикландар (циклді сульфидтер), тиофен пен оның гомологтары – керосинді және майлы фракцияларда шоғырланған. Олар жалпы күкіртті қосылыстардың тек бірнеше пайызын құрайды. Шикі мұнайда күкірт меркаптандарда, сульфидтерде және дисульфидтерде басым, ал термиялық өңдеуден соң ауыр өңдеу өнімдері құрамына негізінен ароматты гетероциклді қосылыстарға енеді. Күкірт – мұнайдағы ең зиянды элемент, өйткені металды коррозияға ұшырататын және отындардың антидетонациялық қасиеттерін және мұнайды өңдеудің екіншілік өнімдерінің (мұнай коксі) сапасын төмендететін өте агрессивті қосылыстарға (күкірт, күкіртсутек пен меркаптандар) енеді. 4) Құрамында азоты бар қосылыстар. Азоттың басым бөлігі шайырлы заттарға шоғырланған, бірақ ароматты немесе алифатты амин топтары түрінде кездеседі. Мұнайдың азотты қосылыстары екі негізгі топқа бөлінеді: азотты негіздер және «бейтарап» (әлсіз негізді) қосылыстар. Азотты негіздер мұнай фркациялары бойынша бірқалыпты тараған және азотты қосылыстардың жалпы мөлшерінің 20-дан 40% мас. дейін мөлшерін құрайды. Мұнайдың қайнау төмен фракцияларында алкил сипаттас, ал қайнауы жоғарысында – құрамында бірнеше конденсацияланған бензолды немесе нафтенді циклді молекулалары шоғырлан-ған. «Бейтарап» азотты  қосылыстарға индол мен карбазол туындылары, циклді амидтер мен порфириндер жатады. Одан басқа, мұнайларда құрамында азоттан басқа күкірті бар гетероциклді қосылыстар (тиазолдар) да табылған. Барлық құрамында азоты бар қосылыстар термиялық тұрақты және мұнай өнімдерінің пайдалану қасиеттеріне елеулі әсер етпейді. 5) Шайырлы-асфальтенді заттар. Мұнайдың гетероатомды қосылыстары тобына шайырлы-асфальтенді заттарды жатқызады, оның құрамына мұнайдың келесі гетероатом-дарының барлығы енеді: оттегі, азот және күкірт. Олардағы гетероатомдардың жиынтық мөлшері 14% мас. дейін жетеді. Мұнайдан ашық түсті фракциялары мен май дистилляттарын айдағаннан кейінгі алынған гудрон шайырлы-асфальтенді қосылыстардан тұрады. Молекулалық құрылымы жағынан бұл қосылыстар пек үзігі немесе көмір затына ұқсас. Осы қосылыстар құрамы шайырлар мен асфальтендерге бөлінеді. Шайырлар – ұзын алифатты бүйірлік тізбектері бар конденсирленген циклді қосылыстар. Қошқыл түсті қою тұтқыр заттар. Олардың тығыздығы судан көп (1,1 г/см3), молекулалық массасы 600-700 кг/кмоль. Асфальтендер – қысқа алифатты бүйірлік тізбектері бар полициклді ароматты күшті конденсирленген жүйелер. Қара түсті қатты балқуы қиын омырылғыш заттар, алкандарда ерімейді. Молекулалық массасы 2000-3000 тең, ал кейде 6000 кг-кмоль-ден асады. Асфальтендер молекуласын шайырдың бірнеше молекуласының конденсациялану өнімі (қосылыс) ретінде қарастыруға болады. Асфальтендер молекуласы өз құрылысына қарай ассоциаттарға бірігуге қабілетті.

Құрамында әжептеуір мөлшерде күкіртсутегі бар газдарды кептіру қондырғыла-рына H2S ылғал сиымдылыққа, газдың гидрат түзу температурасына, гликолдің көпіршуіне, сондай-ақ газдың коррозиялық және эрозиялық қабілетіне әсер етуіне байланысты бірқатар талаптар қойылады. Құрамында 10-15% мас. күкіртсутегі бар жоғары күкіртті газда сол жағдайдағы құрамында күкіртсутегі жоқ газдарға қарағанда сулы булардың мөлшері шамамен екі есе үлкен. Гидрат түзілу температурасы жоғары күкіртті газда жоғары. Газда күкіртсутектің болуы газдың шық нүктесін анықтауды қиындатады. H2S пен CO2 гликолмен үнемі ілінісу нәтижесінде соңғысы уақыт өте келе қышқылдана түседі және құрал-жабдықтар мен құбырлардың коррозиялануын күшейтеді. Коррозия вентилдер мен құбырлардың иілген жерлерінде пайда бола бастайды. Регенерациялау қондырғысында коррозияны болдырмау үшін күкіртсутек пен сумен қаныққан гликоль ерітіндісі десорберге түскенше регенерациялау блогы алдына үрлеу колоннасын орнатады. Осы колоннада күкіртсутек қаныққан ертіндіден бөлінеді және регенарциялау блогына құрамында H2S жоқ ерітінді түседі. Гликолдің көбіктенуі бейтарап газбен өңдеуден жоғары күкіртті газбен өңдегенде жиі кездеседі. Мұны гликолде газдардың, соның ішінде H2S еруімен, гликолдің ұңғымаға айдалатын күкірт еріткіші мен коррозия ингибиторымен, коррозия өнімдерімен ластануымен түсіндіруге болады.

 

 

Сорап компрессорлық құбырлары және оның мұнай-газ кәсіпшілігіндегі маңызы

 

Сорап компрессорлық құбырларының коррозияға ұшырауының себебтері:

1.Мұнай-газдың химиялық құрамы және құрамындағы механикалық қосылымдардың болуы;

2.Тау жыныстарының физикалық қасиеттері және табиғи орналасуы;

3.СКҚ жасалынатын болаттың және т.б. металдардың химиялық құрамы болып табылады.

СКҚ-мен мұнай шығарғанда мұнай ішінде судың және тұздардың болуы, химиялық және механикалық қоспалардың болуы т.б. құбырлардың коррозияға ұшырауын тездетеді. Судың мұнаймен бірге болуы ондағы тұздарды ерітіп, гидролиз реакциясын күшейтіп құбырлардың коррозиясын үдетеді, яғни тұздар, оның ішінде хлоридтер  етеді. Олар құбырлардың қабырғаларына отырады, бұның нәтижесінде құбырларды жиі тазалап тұруға тура келеді.

Механикалық қоспалар құбырларды үйкеліс күші әсерінен, яғни құбыр ішінен үнемі ағып жоғары көтерілуіне байланысты құбыр қабырғаларын соққылай отырып сырып, мүжгілеп желінуге әкеліп соқтыруы.

Хлорлы натрий іс жүзінде гидролизденбейді. Хлорлы кальций тиесілі жағдайда HCL тұзын 10% дейін гидролизге түсуі мүмкін. Хлорлы магний 90% гидролизденеді, яғни бұл процесс төмен температурада жүреді. Сондықтан тұздар мұнай құбырлардың коррозияға ұшырауының негізгі себебі болуы мүмкін. Хлорлы магний гидролизі: