Жалпы білім беретін мектептің 9-сыныбына арналған

Поэманың тақырыбы мен идеясы және көркемдік маңызы. Ақын поэмасының романтикалық және реалистік сипаты. Поэманың сюжеті мен композициясы. Эпикалық дастандағы Ескендір мен Аристотель образдары. Абайдың шағын поэма жазудағы шеберлігі.

Қорытынды сабақ (1сағат).

 

 

 

 

Оқушылардың дайындық деңгейіне қойылатын талаптар

 

Пәндік нәтижелер:

 

-абайтанудың қазіргі  уақыттағы өзектілігін, рухани қажеттілігін  түйсінулері;

-Абайды оқу, түсіну, жұртқа  танытудағы басты мақсат пен  міндеттерді білуі;

-ақынның қазақтың халықтық  өлең-жырларынан, ертегі, қисса, аңыз-әңгімелерінен  үйренгендігін білуі;

-ақын шығармашылығына  шығыс, батыс, орыс әдебиеттерінің  тигізген игі ықпалын білуге;

-ақын аудармаларының  қазақ әдебиетін көркем ой  оралымдарымен байытқандығын білуі;

-абайтану ғылымының негізін  салушылар мен оның қалыптасу  кезеңдерін және алғашқы зерттеушілердің  еңбектері жайында білуі;

-ақын шығармашылығындағы  шығыс, батыс, орыс әдебиеттеріне қатысты күрмеуі қиын мәселелерді білуі;

-ақын шығармаларының  басылымдары мен оған ықпал  еткен адамдар хақында білуі;

-Абайдың ғылым, білім  тақырыбына жазған өлеңдерінің, қарасөздерінің басты идеясын  және философиялық көзқарастарындағы  тағылымдарын түсіне білуі;

-ән мен күй өнері  жайындағы толғанысын және эстетикалық  талғамын білуі;

-поэмаларының тақырыбын, көркемдік-идеялық маңызын, тәлім-тәрбиелік  мәнін, көркемдік ерекшеліктерін  білуі;

-ақын шығармаларының  көркем-образдылық қасиеттерін талдай  білуі тиіс.

 

                                        Әдістемелік нұсқау

 

9-сыныпта «Абайтану» курсы  таңдау пәнін оқытуда жаңа  педагогикалық технологиялардың  түрлерін және интерактивті оқыту  әдістерін пайдалануға болады. Сабақтың  мазмұнын түрлендіре отырып, оқушылардың  пәнге деген қызығушылықтары мен қабілеттерін ұштай түсуге мүмкіндік бар. Сабақ құрылымының дұрыс жобалануы оқытушы тарапынан көп ізденуді талап етеді. Сабақта «Абайтану» курсына арнайы шығарылған М.Мырзахметұлының «Абайтану әліппесі» интеллектуалды интерактивті оқу әдістемелік кешенін пайдалануға кеңес етіледі. Сонымен қатар, әр түрлі плакаттарды, буклеттерді де көрнекі құрал ретінде қолдануға ұсыныс жасалады. Ақын әндері мен күйлері жазылған аудио-бейне жазбалар, кинофильмдер, электронды материалдарды тиісінше пайдалануға кеңес беріледі. Курсты оқыту барысында оқушыларды патриоттыққа, отансүйгіштікке тәрбиелеуге бағыт ұсталынады.

 

 

Оқушылардың «Абайтану» курсы таңдау пәні бойынша игерген   білімдерінің нәтижелері

      -ақын шығармаларын жазудағы суреткерлік шеберліктерін білуі;

-өлеңдері, қарасөздері, аудармалары, поэмаларының тақырыптық  және  идеялық көркемдік негіздерін, мән-мағынасын  талдап, суреткерлік шеберліктерін  айқындай білуі;

-ақынның поэзияның қоғамдық  мәні мен маңызына қойған биік  талабын білуі;

-Абайдың қазақтың сөз өнерін тың ой оралымдарымен байытып, ұлттық көркем ойды дамытудағы көшбасшылық рөлін білуі;

-өлеңдері мен қарасөздерінің  арасындағы өзара үндестікті  түсіне білуі;

-өлеңдері, қарасөздері, аудармалары, поэмаларындағы авторлық ұстанымдардың маңызын көрсете білуі тиіс.

 

Оқушылардың «Абайтану» курсы бойынша алған білімдерін тексеру       мен бағалаудың жолдары

 

-тараулар, тақырыптар бойынша тест сұрақтарын әзірлеп, жауап алу;

-ойтолғау, реферат, т. б. шығармашылық  жұмыстардың түрлерін жаздырту;

- берілген тақырып бойынша  ғылыми жоба жұмыстарын жаздырту, әрі қорғату;

-оқушылардың ғылыми әдебиеттерді  оқуын қадағалау және тексеру;

-оқыған әдебиеттері жөнінде  аннотация жаздырту.

 

Оқуға ұсынылатын әдебиеттер тізімі:

 

1. Абай. Шығармаларының екі томдық толық жинағы. Алматы. «Жазушы» 2005 ж.
2. М.О.Әуезов. Абай Құнанбаев. Монография. Мақалалар, зерттеулер. Алматы. «Санат» 1995 ж.
3. М.Мырзахметұлы. Абайтану тарихы. Алматы. «Ана тілі» 1994 ж.
4. М.О.Әуезов. Абайды білмек парыз ойлы жасқа. Алматы. «Санат» 1997.
5. Абай энциклопедиясы. «Атамұра» 1995ж.
6. Б.Байғалиев. Абай өмірбаяны мұрағат деректерінде. Алматы. «Арыс», 2001 ж.
7. Қ.Мұқамедханов. Абай шығармаларының текстологиясы жайында. Қаз.Мем.КӘБ, 1959 ж.
8. Абай тілінің сөздігі. «Ғылым» 1968 ж.
9. К. Шаймерденова. Абай Құнанбаевтың педагогикалық көзқарастары. «Рауан» 1990 ж.
10. Қ.Мұқамедханов. Абай мұрагерлері. Алматы. «Санат» 1997 ж.
11. Республикалық «Абай» журналы.
12. Т.Қожакеев. Абай-сатирик. «Білім» қоғамы, 1970 ж.
13. Ұ. Әбілдаұлы. Абайды оқу әліппесі. Алматы. «Рауан»  1994 ж.

 

 

 

 

 

 

 

 

 

 

 

 

 

 

АБАЙТАНУ

 

Жалпы білім беретін мектептің 9-сыныбына арналған

оқу бағдарламасы

 

 

Басуға _______ қол қойылды. Пішімі 60×84 1/16. Қағазы офсеттік. Офсеттік басылыс.

Қаріп түрі «Times New Roman». Шартты баспа табағы 0,6.

 

Қазақстан Республикасы Білім және ғылым министрлігі

«Ы.Алтынсарин атындағы Ұлттық білім академиясы» РМҚК

010000, Астана қ., Достық  к-сі, 20.