Басқарушылық қызметтегі келіспеушіліктер

Ойлан, замандас!

Қазір Agent@mail.ru интернет пейджер феномені жастардың өмірінің құрамдас бір бөлігі болып табылады. Бұл байланыс түрін компьютерден немесе ұялы телефоннан табуымызға болады. Әрине, қазіргі заман талабына сай бұндай ғылыми- техникалық жетістіктерді меңгергеніміз қуантады, алайда оның жаман тұстары да бар.

Арайлап атқан шуағы мол таңнан бастап, жұлдызы жарқыраған түнге дейін, әрбір күніміз жетістіктер мен мүмкіншілікке, оның әрбір сәті қуаныш пен  қызыққа толы болып келеді. Алайда жастар agent- те таңның атысынан, кештің батысына дейін отырғандықтан, сол сәттердің қалай өтіп жатқанын байқамайды да. Өздерінің agent әлеміндегі достарымен күні бойы хат жазысады, сондықтан олардың басқа заттарға қызығушылығы да, уақыты да болмайды, қоғамдағы құбылыстарға арласпайды, белсенділік жоғалып, талапсыздық пайда болады. Абай атамыз: «Адам баласының ең жаманы – талапсыз» демекші, жалынды жастардың талапсыз болуы өзекті өртемей ме? Біздің заманымыз жетістікке, жаңалыққа, бақыт пен қуанышқа толы заман. Талаптың арқасында әрбір жалынды жас өз өмірін өзгертіп, жақсы өмірге ұмтылып, жетістікке жете алады. Айналаңа қарашы, әрбіріміз еліміздің гүлденуіне, өмірдің жақсаруына, әділеттіліктің орнауына өз үлесімізді қоса аламыз ғой! Бірақ agent-тің арқасында сондай мүмкіншіліктерден қалып отырмыз.....Сонымен қатар ол сабаққа да үлкен кедергісін келтіруде. Осыдан қоғамымызда білімсіз жастар пайда болады.

Ертеректе Мағжан Жұмабаев:

Арыстандай айбатты.

Жолбарыстай қайратты-

Қырандай күшті қанатты

Мен жастарға сенемін! – деп, сенім артып келген бүгінгі жастардың халі осындай. Қазақстанның келешегі, тіліміздің болашағы жастардың қолында. Сондықтан болашағымызды бүгінгі күннен бастап түзейік!

                                                                Әйгерім Қайырғазина

                                         Журналистика мамандығының 3 курс студенті