Бала және бос уақыт

                             Бала және бос уақыт.

    Еліміздегі тәуелсіздік туымен қатар келген қоғамдағы саяси-әлеуметтік, экономикалық, рухани өзгерістер халыққа білім беру мен тәрбие жүйесін қоғамдық талаптарға мен сәйкес, жаңа мазмұнда қайта құруды талап етеді.

   Жас ұрпақтың рухани-эстетикалық, дүниетанымдық көзқарасын қалыптастыру  үшін баланың бос уақытын тиімді  ұйымдастырудың жақтарын табу- ең  керекті жағдай. Бос уақытты ұйымдастырудың  тағы бір тиімділігі- үздіксіз  білім беруді жетілдіру мәселесі  де себін тигізеді. Себебі мектепалды дайындығы кезінде балалар бос уақытты ұйымдастыра білген жағдайда ғана үлкен жетістіктерге жетуге мүмкіндік туады.

  Бос уақыт- тек көңіл  көтеру емес, ол баланың өз  бетінше жұмыс істеуіне, сауықтар  мәселелерінде араласуына, өнер  түрлерімен танысуына және өнерге  талпынуына жағдай жасайды. Баланың  бос уақытында олардың өмірге  белсенділігін арттыруға және  өмірге ынтасын қалыптастыру  мақсатында әртүрлі мәдени іс-шараларға  тарту негізінде баланың жеке  басы дамуына әсер етіледі, оның  рухани дүниесінің өзгеруіне мүмкіндік жасалып, тәртіптілікке, ынтасын баулу мақсаты жүзеге асады.

    Баланың бос  уақытын ұйымдастыруда жанұяның  ықпалы зор. Жанұя бала өмірінің  айнасы, тәрбиедегі тірек. Сондықтан  ата-ана баланың күнделікті өмірін, соның ішінде бос уақытын ұйымдастыруда, оларды мәдени орталықтарға апаруға басты рөл атқарып, сол арқылы баланың тәжірибе жинақтауға негіз салады. Бос уақытты орынды және түрлі тәрбиелік жұмыстар арқылы пайдану сабақтан тыс уақыттарда жүзеге асырылады. Олардың қолдану қатарына түрлі тәрбиелік жұмыстар, баланың дене мәдениетін жетілдіру үйірмелері, жанұяда дәстүрлі мерекелері атап өту, театрларға бару.

Баланың бос уақытын ұйымдастырудың келешек жас өспірімдерге тигізер пайдасы зор. Осы арқылы олардың қоғамдағы орнын білуге негіз салынады. Елі саудың- дені сау демекші, қоғамның бар байлығы- оның дұрыс жетілген ұрпағы екені белгілі.

    Дегенмен, қазіргі  кезде кинотеатр, драмтеатр, мұражайларда  болу сиреп, балалардың бос уақытын  ұйымдастыруға байланысты шаралардың  дәрежесінің төмендеп бара жатқандығы  байқалады. Бұл баланың бос уақытын ұйымдастыруға ересектер тарапынан көмектің аздығын көрсетеді. Яғни бос уақытқа мән берілмей отырғандығын байқатады. Ал шын мәнінде бала бос уақытының әр бөлігі оның дамуында басты орын алады. Осыны ескеріп, баланың бос уақытын ұйымдастырудың жан-жақты зерттеліп, әр мезгілде орынды пайдалануды педагогикалық, психологиялық тұрғыдан негіздеу керек деп ойлаймыз.