Мұғалімдердің кәсіби дамуын жетілдіру -білім сапасын көтерудің негізі

Оңтүстік Қазақстан облысы

Мақтарал ауданы Құрбан ата ауылы

Н.Оңдасынов атындағы №8 жалпы орта мектебі

мемлекеттік мекемесі

ТАҚЫРЫБЫ

Мұғалімдердің кәсіби дамуын жетілдіру -білім сапасын көтерудің негізі

                                           Агментаева Алия Бейсенбайқызы

                                          Информатика пәні мұғалімі

                                          Санаты:  ІІ

Пед өтілі: 9 жыл

Бәсекеге қабілетті дамыған мемлекет болу үшін біз сауаттылығы жоғары елге айналуымыз керек.

Біз - жас ұлтпыз және бұл біздің қолымыздан келеді.

Біздің мақсатымыз - жаһандық технологиялық  төңкерістің бөлшегіне айналу.

ҚР Президентінің «Қазақстан-2050»  стратегиясы қалыптасқан мемлекеттің  жаңа саяси бағыты» атты Қазақстан халқына Жолдауынан

Қазақстанда бүгінгі  таңда әлеуметтік- экономикалық жаңару мен саяси демократияландырудың жаңа кезеңіне қадам басқалы тұр. Ал,бұл қадамның қозғаушы күшінің бірі инновациялық технологияларды игерген мектеп.Осы мектептер алдындағы міндет – егеменді еліміздің жас ұрпағын жан-жақты дамыта отырып тәрбиелеу. Қай елдің болмасын жетілген білім саласын қалыптастыруда жалпы білім беретін мектептердің, оның ішінде мектеп ұстаздарының алатын орны ерекше. Шынында, мұғалім - өткен мен бүгінді жалғайтын алтын арқау, келешекке жөн сілтейтін шамшырақ. Халқымыздың біртуар перзенті Бауыржан Момышұлының «Болашақтың басшысын да, данасын да, ғалымын да ұстаз өсіреді» деген ұлағатты сөзі мұғалім қызметінің маңыздылығын дәл анықтайды.                                                                          Қазіргі таңда оқушы білімін кеңейтіп, көркемдік талғамын арттыруда, халықтық тәрбие беруде, асыл адамгершілік, ұлттық қасиеттерді қалыптастыруда мектептің атқаратын міндеті мен алатын орны ерекше. Оқу-тәрбие үрдісінің сапасын жетілдіру мәселелері бұл шаралармен шектеліп қалмайды. Егемен ел болашағының кепілі болатын ұлттық білім беру жүйесін жетілдіру міндеттері мектеп қызметінің негізгі саласына айналып, болашақта жаңаша шешім табатыны анық.                                                                                   « Елімізді 2030 жылы барысқа айналдыратын күш – мектеп партасында отырған оқушылар мен 15-20 жас аралығындағы жастар » деп Елбасымыз бекер айтқан жоқ. Өйткені Қазақстанның бүгіні мен ертеңі жас ұрпақтың еншісінде. Ал жас ұрпақты жан-жақты, терең білімді, интеллектуалдық деңгейін жоғары етіп қалыптастырудың бірден бір жолы – оқушыға білімді терең игертудің тиімді әдіс – тәсілдерін іздестіру, шығармашылыққа жетелеу. Бұл ретте мұғалімнің терең біліктілігі қажет.                                                                 Мұғалім – өте нәзік инструмент, ол барлық адами қызметтерді өзінде жинақтауға ұмтылады. Ол философ, дирижер, ұйымдастырушы, оқымысты, психолог, артист. Сондықтан оның бойындағы байқалатын қызметтерге сыйластықпен қарай отырып, оны жетілдіруге көмек көрсету және бұл инструменттің ерекшеліктері мен даусына үн қосу негізгі міндеттердің бірі.  Мұғалім жайлы Ахмет Байтұрсынов былай деген: … « Мұғалім қандай болса, мектеп те сондай болмақшы.  Яғни, мұғалім білімді болса, ол мектептен балалар көбірек білім алып шықпақшы. Солай болған соң, ең әуелі мектепке керегі білімді, педагогикадан, методикадан хабардар, жақсы оқыта білетін мұғалім». Демек білім сапасын көтерудің негізгі тетігі- мұғалім, сондай-ақ, оның теориялық білімі мен кәсіби шеберлігі, шығармашылық қызметі. Білім сапасы мұғалімдер қызметінің сапасына тікелей байланысты.                    Білім беру сапасы – қоғамдағы білім беру үрдісінің жағдайын, нәтижесін, сондай-ақ жеке тұлғаның кәсіптілігінің қалыптасуын және даму болашағының қажеттілігін анықтайтын әлеуметтік категория. Білім беру сапасы білім беру мекемелеріндегі жастарды оқыту мен тәрбиелеу қызметтерінің әр түрлі көрсеткіштерінің жиынтығы, яғни білім беру мазмұны, оқыту формасы мен әдістері, материалдық техникалық базалары, т.б. бойынша анықталады.  Оқыту  сапасының негізгі критерийлері оқыту үрдісінің нәтижесі мен оқушылардың білім, білік дағдысының сапасы болып табылады. Ал, бұның барлығы мұғалім кәсіптілігіне тікелей байланысты екендігін шексіз қайталап айта беруге болады. Өйткені сапалы, білімді, шығармашыл оқушы -шығармашылықпен жұмыс жүргізетін мұғалім еңбегінің жемісі.                                 Өзім информатика пәні мұғалімі болғаннан соң анық білетінім электрондық оқытуды енгізу оқу сапасын арттыру үшін тиімді механизм болып табылады. Ғылым мен техниканың даму қарқыны оқу- ағарту саласының жаһандық үрдісіне жаңа техникалық құралдар мен қондырғыларды кең көлемде қолдануды қажет етіп отыр. Ал, бұл мақсаттағы 
интерактивті және қашықтан оқытудың кеңейтіліп, мектептерде электронды оқыту жүйесі (E-learning) енгізіліп, мұғалімдердің кәсіби дамуын жетілдіруіне , білім сапасының  көтерілуінің негізі болады. Қазіргі кезде елімізде ғылым мен техника күннен – күнге қарыштап даму үстінде. Ақпараттарға сүйенсек, кез-келген елді экономикалық қуаты, халқының өмір сүру деңгейінің жоғарылығы, дүниежүзілік қауымдастықтағы рөлі сол елдің техникалық даму деңгейімен анықталады. Толассыз, үздіксіз өзгеріп тұрған әлем адамнан да қабілет пен қажеттіліктерді дамытуды, түрлі салаларды игеру үшін білімді де, білікті мамандарды даярлауды қажет етеді. талап етеді. Өйткені егеменді еліміздің ертеңі оқу-білімнің тереңдігімен өлшенеді.   
 "2013 жылы осы жобамен 926 ұйым, ал 2020 жылы мектептің 90%-ы қамтылатын болады" деген елбасының сөзі жыл басталысымен ақ қарқынды түрде атқарыла бастады.  Ауданымыздың көптеген мектептері озық техникалық құралдардармен қамтылуда. Осы техникалық құралдарды пайдаланып, кең байтақ елімздің шалғай шеттерінде орналасқан ауыл  мұғалімдеріне орасан зор мүмкіндіктер туып отыр. Мұғалімдер онлайн сабақтар мен семинарларға қатысу арқылы кәсіби дамуын жетілдіріп - білім сапасының                көтерілуіне бірден бір себеп болуда.   Интернетті пайдалану барлық өркениетті елдермен  қатар жүруге мүмкіндік береді және  жаңа технологиялар арқылы әлеммен  қарым – қатынастың жаңа әдіс тәсілдерімен  қамтамасыз етеді.       Қазіргі уақытта мен жұмыс атқарып келе жатқан мектеп толықтай интернет желісіне қосылған, мұғалімдер интерактивті интернет (http://cdo.kz/) олимпиадаларға қатысып, өз кәсібінің дамуын жетілдіруде. Мұғалімдер онлайн сабақтарға қатысып, өз білімін жан жақты сапалы ақпаратпен айтарлықтай жетілдіріп, білім сапсының артуына да орасан зор үлес қосылуда. Дана халқымыздың 100 рет естігеннен бір рет көрген артық деген нақыл сөзі артық айтымлаған. Мұғалімдер көптеген тәжірибелі мұғалімдердің сабақтарынан жаңа технология элементтерін, өз тәжірибесінде пайдалануда. 
Техникалардың дамып, бүкіл әлемдік байланыс желісі білім саласының дамуына үлкен үлесін қосуда. Осы мүмкіндіктерді пайдаланып интерактивтік оқыту формасын қолдану және де білім жетілдіру курстарының онлайн жүйесін кеңейтіп, мұғалімдерді интернет жүйесінде оқыту білім сапасының көтерілуіне негізгі фактор болатынына сенімдімін. Білім жетілдірудің онлайн курстары мұғалімдердің кәсіби дамуын жетілдіріп, ауыл мектептеріндегі білім сапасының дамуына үлкен үлес қосады деп ойлаймын.                                  Сөзімнің соңын К.Д.Ушинскидің «Мұғалім ісі сырттай қарапайым болғанмен – тарихтағы ең ұлы істің бірі" деген сөзімен аяқтағым келіп отыр.

Құрметті менің әріптестерім ұлы істерді атқаруға асығайық!