Дербес компьютер туралы жалпы мағлұмат

Жоспар:

 

 

Кіріспе

Дербес компьютер туралы жалпы мағлұмат

Негізгі бөлім

Локальды есептеу желісіне қажетті компьютер таңдау

ЭЕМ машиналарының даму кезеңдеріне шолу

Есептеу жүйесі

Қорытынды

ЛЭЖ құрастыру үшін қажетті  компьютердің сипаттамасы

Пайдаланылған әдебиеттер

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Кіріспе

 

 

Қазіргі заманғы компьютерлердің  басым бөлігінде алға қойылған мәселе әуелі математикалық терминдерде  сипатталады, бұл кезде барлық қажетті  ақпарат екілік жүйеде (бір және ноль ретінде) көрсетіледі, содан кейін оны өңдеу үшін қарапайым логика алгебрасы қолданылады. Іс жүзінде барлық математикалық есептерді бульдік операциялар жиынына айналдыруға болатындықтан, жылдам жұмыс жасайтын электронды компьютерді математикалық есептердің, сонымен қатар, ақпаратты басқару есептерінің көпшілігін шешу үшін қолдануға болады.

Бірақ, компьютерлер кез-келген математикалық есепті шеше алмайды. Компьютер шеше алмайтын есептерді  ағылшын математигі Аланом Тьюринг  сипаттаған болатын.

Орындалған есеп нәтижесі пайдаланушыға әр түрлі енгізу-шығару құрылғыларының көмегімен көрсетіледі, мысалы, лампалық индикаторлар, мониторлар, принтерлер және т.б.

Дербес компьютерлердің  барлық элементтерін енгізу шығару, өңдеу  құрылғыларына бөлуге болады. Енгізу құрылғыларына пернетақта, манипуляторлар, микрофон, модем жатады. Шығару құрылғылары: монитор, құлаққалқа, принтер, модем, дыбыс бағандары (колонка). Бұл құрылғылардың бәрі ДК - нің аппараттық жабдықтамасына жатады.

Дербес компьютер өнеркәсіп  бұйымы ретінде өзара жалғастырушы кабельдермен байланыстырылған бірнеше блоктардан (құрылғылардан) тұрады. Бұлардың номенклатурасы (тізімі) әр түрлі болуы мүмкін, бірақ кез - келген компьютер жұмыс істеуі үшін, үш блоктан тұратын жинақ керек (компьютердің негізгі жинағы). Олар: жүйелік блок, монитор және пернетақта.

Көбімізге компьютерлердің  ең көп таралған түрі — дербес компьютер жақсы таныс. Дербес компьютердің «дербес» деп аталуының себебі - компьютер тек қана бір адамның жұмыс істеуіне арналған. Яғни бір мезгілде компьтерді бір ғана адам басқарады деген сөз. Бұл компьютерлердің үлкен ЭЕМ-дерге қарағанда сипаты мен мүмкіндіктері басқаша болғанымен, осыған ұқсас операцияларды орындай алады.

Компьютер архитектурасы  алға қойылған мәселені, зерттеліп  отырған физикалық құбылысты  максималды айқын көрсетіп, модельдеуге мүмкіндік береді. Мысалы, электрондық ағындар бөгеттер салу кезіндегі су ағынының үлгісі ретінде қолданылуы мүмкін. Осылай құрастырылған аналогтық компьютерлер ХХ ғасырдың 60-жылдары көп болғанымен, қазір сирек кездеседі.

 

 

 

 

 

Локальды есептеу желісіне қажетті компьютер таңдау

 

 

ЭЕМ машиналарының даму кезеңдеріне шолу жасайық.

 

ЭЕМ-нің бірінші  буыны (1949-1958ж.)

 

1. 1949ж. Морис Уилкс  (Англия) алғашқы EDVAC компьютерін  жасады. Бұл жадында сақталған  бағдарламалары бар әмбебап ЭЕМ  цифрлық электрондық есептеуіш әмбебап машиналарының алғашқы буындарына жол салды.

 

2. XX-ғасырдың 40-50 жылдары  ЭЕМ өте үлкен және қарапайым  болды. Элементтік база ретінде  электрондық шамдар мен реле  қолданылды: жедел (оперативтік)  жад триггерлерде, кейін ферриттік  жүрекшелерде; шапшаңдығы – секундына 5-30 мың арифметикалық амалдар болды. Мұндай ЭЕМ-дер үшін бағдарламалар машиналық кодтарда жүргізіледі, кейінірек автокодтар мен ассемблер пайда болды. Бұл ЭЕМ ғылыми-техникалық есептеулер жүргізу үшін қолданылды. Осы типті машиналарға EDSAC, ENIAC, UNIVAC, БЭСМ, Урал жатады.

 

 

 

ЭЕМ-нің екінші буыны (1955-1963).

 

1. 1948ж. – транзистор ойлап  табылды және 50-ші жылдардың екінші жартысында транзисторлы ЭЕМ-дер пайда болды.

 

2. 1959ж., - АҚШ-та екінші буынның  RCA-501 ЭЕМ-і құрылды

 

3. 1960ж., - IBM 7090 LARC

 

4. 1961ж., - Stretsh

 

5. 1962ж., - ATLAS

 

6. Ал ССРО-да 2-ші буынның ЭЕМ-дері: РАЗДАН, НАИРИ, МИР, МИНСК, Урал-11, М-220, БЭСМ-4, М-4000 сияқты машиналар шығарылды.

 

2-ші буынның ЭЕМ-і транзисторлы (жартылай өткізгіштер) элементтік базасымен, өте кішкене ферриттік жүрекшелері бар жедел жадымен 512 Кбайт көлемімен секундына 3000000 амал өнімділігімен сипатталады. Олар функционал операциялар (бөлінген уақыт режимі) мен мульти-бағдарламалар режимін біріктіруді, яғни орталық процессор мен енгізу-шығару арналарының қатар жұмыс істеуін қамтамасыз етеді. Өлшемі бойынша ЭЕМ-дер кіші, орта, үлкен және арнайы түрлерге бөлінеді.

ЭЕМ-нің жетілдіруімен қатар бағдарламалық жабдықтамалар дамыды, алгоритмдік бағдарламалау тілдері, АБЖ, диспетчерлер пайда болды.

 

 

ЭЕМ үшінші буыны (1964-1976ж.).

 

1. 1958ж. – Джек Килби  бірнеше транзисторды бір пластинаға  қалай орналастыру керек екенін  ойлап тапты.

 

2. 1959ж. – Роберт  Нойд ең алғашқы ЭЕМ-і деп  IBM/360 модельдерінің сериясын (1964ж.  АҚШ) санауға болады.

 

3. ЭЕМ-нің үшінші буынына РДР-8 (бірінші мини-компьютер, ол 1965ж.  Құрылды және құны 20 мың $ болды)  РДР-11, В-3500, EC-ЭЕМ сериясы жатқызуға  болады. ЭЕМ-нің үшінші буыны интегралдық  схемалы (ИС) және жартылай үлкен  схемала (YC) жартылай өткізгіш  интегралдық схемадағы жедел жад құрылғысымен, 16Мб көлемімен, секундына 30 млн. Операция өнімділікпен сипатталады. Өлшемі бойынша ЭЕМ үлкен, орташа, мини және микро болып бірнеше түрге бөлінеді. Бұл буынның типтік модельдері – EC-ЭЕМ, СМ-ЭЕМ, IBM/360, РДР, VAX.

ЭЕМ-нің үшінші буынына  тән ерекшелік – бұл операциялық  жүйесінің болуы, мульти-бағдарламалау  мен ресурстарды (шалғай құрылғыларды), ЭЕМ-нің өзінің аппараттық бөлігін  немесе тікелей операциялық жүйені басқару мүмкіндігінің пайда  болуы. ЭЕМ-дегі бағдарламалық жабдықтама ОЖ, ҚБӨ, ДББЖ, АБЖ, жоғары дәрежелі алгоритмік тілдердің (ПЛ-1, АЛГОЛ; КОБОЛ...) пайда болуымен күрделіленеді.

 

 

ЭЕМ-нің төртінші буыны (1977 – қазіргі кез):

 

1. Төртінші буынның  ЭЕМ-дерінің ең алғашқы танымал  сериясы IBM/370.

 

2. Төртінші буынның  ЕТ-нің конструктивті-технологиялық  негізі үлкен интегралды схема  (YИС) және өте үлкен интегралды  схема (ӨҮИС), олар 70-80 жылдары құрылған, шапшаң жадтайтын құрылғылар болды. ЭЕМ ЯВА-ны тиімді пайдалануға, қиыншылықтары бар программистер үшін бағдарламалау процесін жеңілдетуге есептеліп шығарылады. Төртінші буынның машиналарының паркін микро-ЭЕМ-ге, ДК-ге, мини-ЭЕМ-ге, жалпыға арналған ЭЕМ-ге, арнайы ЭЕМ-ге, арнайы-IBM-ге және супер-ЭЕМ-ге бөлуге болады. Төртінші буын машиналарының жедел жады – жартылай өткізгіш АҮИС-те, көлемі 16Мб және одан жоғары. Бұл буынның машиналарына IBM/370, SX-2, IBMPC/XT/AT, PC/2, Cray типтерін жатқызуға болады.

 

Есептеу жүйесі

 

Есептеу машиналары тез, әрі қарқынды даму кезеңдерінен өтті. Осы даму кезеңдерінен бірнеше  заңдылықтарды  байқауға болады:

• электронды есептеу машиналарының (ЭЕМ) даму кезеңдерінде байқалатын жағдай, ол ЭЕМ классикалық құрылымында, яғни кезек-кезегімен  есептеу жүйесін пайдаланатындығы;

• ЭЕМ жетілдіру бағыттарының негізі олардың жылдамдықтарын, интеллектуальдылығын арттыру;

• ЭЕМ жетілдіру комплексті түрде жүргізілді.

ЭЕМ қазіргі кездегі  даму кезеңдері [12,28,30] көп процессорлы  жүйе мен желілер, параллель есептеу әдістерін тиянақты қолдануға байланысты. Сондықтан да осы бағытта ЭЕМ жетілдіруде  зор мүмкіншіліктер бар. Бірақ та параллель есептеу әдістері орынды пайдаланса да олардың теориялық негіздері жетіле қойған жоқ.

 Есептеу жүйесі (ЕЖ) туралы ұғым 1960 жылдары пайда болды. ЭЕМ элементтік  негіздері интегралды схемадан тұратын.  Жаңа бағыттардың дамуы көптеген жаңа техникалық шешімдердің пайда болуына әкеліп соқты. Солардың қатарына әр қайсысын өз алдарына мәліметтерді өңдеу мен енгізу – шығару процестерін, ұжым болып есептеу процестерін бір мезетте пайдалануларды жатқызуға болады.  Сонымен қатар ЭЕМ жұмысында күрделі көп программалы өңдеу, бір мезгілде көптеп пайдалану бағыттары пайда бола бастады.

Есептеу жүйе (ЕЖ) дегенде  ойға келетін негізгі қағидалар төмендегілер: бір-бірімен байланыста болатын көп процессорлар, не болмаса, ЭЕМ;  программалармен қамтамасыз етілу; ақпараттарды сақтау, жинау, өңдеу үшін қолданатын программалар мен қодырғылар.  ЭЕМ мен есептеу жүйесінің арасындығы айырмашылық, ол ЕЖ бірнеше есептеу құралдарының шоғырлануында. Осының нәтижесінде ЕЖ мәліметтерді параллель түрінде өңдей береді. Сондықтан болса керек ЕЖ құрудағы негізгі мақсаттар төмендегідей: мәліметтерді тез өңдей отырып оның жылдамдығын арттыру, оның есептеудегі сенімділігі мен дұрыстығын арттыру, сонымен қатар тұтынушыларға қосымша қызметтер түрін көрсету. 

 

 

 

 

 

 

 

 

 

 

 

 

 

 

 

 

 

 

 

Қорытынды

 

 

ЛЭЖ құрастыру үшін 9 компьютер таңдау қажет. Олардың ара қашықтықтары 120 м.  

 

Жүйелік блоктың сипаттамасы:

  (Fujitsu фирмасы)

• Операциялық жүйе: Атауы — Windows 7 Home Basic.
• Процессор: Тактілік жиілігі — 3.3 ГГц, Модель — Fujitsu Esprimo P400, Өндіруші — Fujitsu
• Оперативті жады: Көлемі — 4 Гб
• Қатқыл диск: Көлемі — 500 Гб
• Графикалық жүйесі : Жады көлемі — 1024 Мб
• Оптикалық өту: Тип — DVD±RW
• Түсі – қара

Экранның сипаттамасы:

(Samsung фирмасы)

• Тип – сұйық кристалды – матрицалы - ТN
• Диагоналы – 18,5 дюйм
• Экран форматы 16:9
• Жауап қату уақыты – 5 мс
• Өлшемі 442х370х210 мм
• Салмағы 5,8 кг

Тышқанның сипаттамасы:

(Genius  фирмасы)

• Оптикалық тышқан
• 3 батырмалы және айналдыру дөңгелегі бар
• PS/2 және USB
• 800 dpi

Пернетақтаның сипаттамасы:

(Genius  фирмасы)

• USB – пернетақта  Genius  - орыс/ ағылшын / қазақ алфавиті

 

Жалпы компьютердің бағасы - 〒75400.

9 компьютердің бағасы - 〒 678600

Пайдаланылған әдебиеттер

 

 

1. Компьютерные сети: Учебный курс Microsoft Corporation – М.: Издательский отдел «Русская редакция», 1999.
2. Алиев Т.И. Сети и телекоммуникации.: СПбГУ ИТМО, 2011.-400с.ил.
3. Кузин А. В. Компьютерные сети: учебное пособие /А. В. Кузин. - 3-е изд. ,перераб. и доп .- М.: ФОРУМ: ИНФРА-М, 2011.- 192 с. : ил .
4. Бэрри Нанс. Компьютерные сети пер. с англ. – М.: БИНОМ, 1996.
5. Основы современных компьютерных технологий под редакцией А.Д. Хомоненко– СПб КОРОНА принт, 1998.
6. http://kk.wikipedia.org
7. www.google.kz
8. http://bourabai.kz
9. http://drk.kz