Постгамдық сәйкессіздік

Селекцияның барлық мәселелерін тек сортаралық будандастырумен шешуге болмайды. Мысалы, картоп селекциясында Solanum tuberosum L. түрінде ракқа, вирустық және басқа ауруларға төзімді сорттар жоқ, яғни оларды донор ретінде колдана алмаймыз. Бірақ ондай формалар картоптың басқа түрлерінде табылған. Сондықтан селекция жолымен керекті белгілерді бір түрден екінші түрге ауыстыру көптен бері келе жатқан мәселе. Бұл тек картопта емес, басқа ауыл шаруашылық дақылдарына жатады. Табиғи түрлерінің ішінде құнды белгілері бар, дарақтар көп: ауруларға иммунитеттігімен, куаңшылыққа төзімділігімен, қоректік және пайдалы заттардың көп болуымен, тағы басқамен көзге түскен.