Бизнес тәуекелі және оның түрлері

   Әртараптандыру инвестицияланатын   қаражаттарды бір-бірімен өзара  тікелей байланысты емес бірнеше  тәуекелді операциялар бойынша  бөлуді білдіреді. Әртараптандырудың  мақсаты сәтсіздіктің алдын алу  немесе сақтандыру болып табылады. Яғни, бірмезгілде бірнеше операциялар бойынша сәтсіздікке қарағанда бір операция бойынша сәтсіздіктің ықтималдылығы және одан болатын жоғалтулар әлдеқайда төмен болады. Әртараптандырудың мысалы ретінде әр түрлі валютада салынған депозиттік салымдарды айтуға болады.

   Лимиттеу тәуекелді оперцияларда пайданылатын ресурстардың мөлшеріне шектеулер қоюды білдіреді. Осылайша кәсіпкерлік қызметте тәуекелден болатын қауіпті зияндардан сақтанады. Мәселен, несиеге берілетін қаражаттар көлемін шектеу, менеджерлерге белгіленген мөлшерден жоғары қаражаттарға иелік етуге тыйым салу.

   Хеджерлеу кәсіпкерлік қызметті жүзеге асыру кезінде туындайтын тәуекелді кооперацияға қатысушы әріптестерге тікелей байланысты болады. Сондықтан хеджерлеу тәуекелді әрекеттің салдарлары үшін жауапкершіліктің бір бөлігін әріптеске жүктейтін қарама-қарсы міндеттемелерді құруды көздейді. Мысалы, өңдеуші кәсіпорында табысты толық көлемде ала алмау тәуекелін оған шикізат жеткізуші кәсіпорынмен бөлісу.

   Секьюритизация екі банктің арасында несиелеу тәуекелдерін бөлу, оның бірі несиелеу келісімшартын әзірлейді және дебиторлармен келісімшартқа отырады, ал екіншісі дебиторларға несие берумен айналысады.

   Өзін-өзі сақтандыру деп тәуекелді операциялардан болуы мүмкін зияндарды жабу үшін кәсіпкерлер өздерінің меншікті резервтік қорларын құруын айтамыз. Мұндай қорлардың болуы тәуекелдің теріс салдарларын тез арада жоюға мүмкіндік береді.

   Сақтандыру тәуекелді  төмендетудің негізгі әдістерінің  бірі болып табылады. Ол тәуекелмен  байланысты зиян шеккен жағдайда  жеке немесе заңды тұлғаның  мүліктік мүдделерін қорғауды  білдіреді. Мұнда зиян шеккен  тұлғаға алдын ала енгізген  ақшалай жарналары есебінен төлем  жасау жүзеге асырылады. Сақтандыру  осы мақсатта арнайы құрылған  кәсіби ұйымға тәуекелдің бір бөлігін беру арқылы тәуекел дәрежесін төмендетуге мүмкіндік береді.